Angliyaning Preston shahri rasman 693-shahar meri va birinchi musulmon sifatida ushbu lavozimni egallagan Javed Iqbolni rasman olqishladi, deb xabar bermoqda islam.ru.

"Oilam va ko'p yillar davomida yashagan shahar Prestonning birinchi musulmon meri bo'lish sharafiga muyassar bo'lganim bu men uchun ko'p narsani bildiradi. Bu bizning ko'p madaniyatli shahrimizning o'ziga xos tan olinishi va turli irq, din va e'tiqoddagi odamlar bilan birga yashab, birga ishlashda davom etayotganidir", - deydi Javed Iqbol.

"Hayotim davomida jamiyat hayotini yaxshiroq o'zgartirishga va aks holda eshitilmasligi mumkin bo'lganlarga ovoz berishga intildim. Preston shahar Kengashida xizmat qilish sharafi va Preston Meri bo'lish katta sharafdir", - dedi u.

Pokistonda tug'ilgan, Javed Iqbol ilk bor Buyuk Britaniyaga 1968 yilda ko'chib o'tdi , u bu erda Brokxolz maktabi va Mur-Park-avenyudagi oltinchi sinf kollejini tamomladi.

1974 yilda turmushga chiqqan rafiqasi Tohira bilan Ribblton-avenyudagi birinchi oilaviy uyini sotib oldilar. Oradan ko'p o'tmay, u 2007 yilda pensiyaga chiqquniga qadar ishlagan Qirollik pochtasiga ishga kirdi.

Iqbol o'z faoliyati davomida Qirollik muhandislar polkida ham xizmat qilib, serjantlik martabasiga ko'tarilgan va 1992 yilda oilaviy majburiyatlarga e'tibor qaratish uchun xizmatni tark etgan.

2007 yilda Javed Iqbol Preston shahar Kengashiga saylandi, u 2017 yildan beri Rejalashtirish qo'mitasi raisi hisoblanadi.
Mer etib tayinlanishidan ikki yil oldin Iqbol uning muovini bo'lib xizmat qildi.

Shu oy boshida britaniyalik musulmon Sodiq Hon pandemiyadan keyin Britaniya poytaxti uchun "yaxshiroq va porloq kelajak" qurishni va'da qilib, ikkinchi muddatga London meri etib qayta saylanganini ta'kidlash lozim.

O'zbekiston musulmonlari idorasi matbuot xizmati