Qozon shahrida musulmon madaniyati ko'rgazmasi o'tkaziladi
Shu yil 3-7 iyun' kunlari Tatariston respublikasi poytaxti Qozon shahridagi Qozon yarmarkasi hududida “Islom nuri – Luch islama” musulmon madaniyati ko'rgazmasi bo'lib o'tadi.
Ushbu tadbir millatlararo va dinlararo munosabatlarni uyg'unlashtirish, Islom dinini qabul qiladigan xalqlarning madaniyatini rivojlantirish, shahar aholisi va mehmonlarini musulmon madaniyati va urf-odatlari bilan tanishtirish va yosh avlod bilan muloqotni qo'llab-quvvatlashga qaratilgan.
Mazkur madaniy tadbir bir nechta ekspozitsiyalarni birlashtiradi: ma'naviy-ma'rifiy yo'nalish, “Musulmon modasi”, “Halol” standartlariga muvofiq mahsulotlar, “Hunarmandlar shahri” badiiy va xalq hunarmandchiligi, “Sharqona pichoq” harbiy va sovuq qurollari shular jumlasidandir.
Shuningdek, ko'rgazma doirasida anjuman va davra suhbatlari o'tkaziladi, unda taniqli ma'ruzachilar nafaqat islomiy tadbirkorlik sohasidagi dolzarb masalalarni, balki ularning ma'naviy-ma'rifiy mazmuni, mazmunli uchrashuv va suhbatlar, Qur'oni karim suralari tilovati, ijodkor va hunarmand ustalar darslari, hunarmandlarning chiqishlari, sovuq qurollar bilan jang qilish san'ati vakillari chiqishi, musulmonlarning gastronomik festivali va boshqa tadbirlar bo'lib o'tadi.
O'MI Halqaro aloqalar bo'limi
Diniy ta’lim sohasida ilk bor Respublika anjumani bo‘lib o‘tadi
Joriy yilning 19-20 avgust kunlari O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalari professor-o‘qituvchilarining «Zamonaviy diniy ta’lim: pedagogika, ilm-ma’rifat va innovatsiya» nomli I ilmiy-amaliy anjumani Islom sivilizatsiyasi markazida bo‘lib o‘tadi.
Davlatimiz Rahbari tomonidan har jabhada olib borilayotgan yangilanish va islohotlarga hamohang tarzda Diniy idora tarixida ilk bor o‘tkazilayotgan ushbu tadbirda jami 700 nafar pedagog va soha mutaxassisi, jumladan, 300 nafar ishtirokchi bevosita anjuman zalida, 400 nafar ishtirokchi esa hududlardan videoselektor orqali qatnashadi.
Anjumandan ko‘zlangan maqsad sohadagi istiqbolli rejalarni muhokama qilish, diniy ta’limda pedagogik va kasbiy mahoratni oshirish, ta’lim jarayoniga zamonaviy texnologiyalarni yanada keng tatbiq etish hamda diniy ta’limni yangi bosqichga olib chiqishdir.
Dastur doirasida soha rahbarlari ishtirokida tahliliy ma’ruzalar, taniqli professorlar tomonidan mahorat darslari, ilmiy-metodik mashg‘ulotlar bo‘lib o‘tadi. Shuningdek, ishtirokchilar O‘zbekiston musulmonlari idorasi, Islom sivilizatsiyasi markazi bilan yaqindan tanishib, Hazrati Imom majmuasidagi tarixiy qadamjo va obidalarni ziyorat qilishadi.
O‘zbekiston musulmonlari idorasi Matbuot xizmati
