Fitnadan qayting!
Alloh taologa hamd va uning payg'ambari bo'lgan Muhammadunil aminga salotu salomlar aytamiz. Alloh bizni go'zal bir shariat xodimi bo'lishligimizni nasib qildi. Islom shariati Alloh taolo tomonidan tushirilgan va uning himoyachisi Allohning O'zidir va rozi bo'lgan dini ham mana shu islom dinidir. Alloh taolo O'zining kalomida marhamat qilib: “Sizlarga islomni din deb rozi bo'ldim” dedi. (moida surasi 3- oyat)
Allohning oxirgi va rozi bo'lgan dini bu islomdir, insonlardan qabul qiladigani ham mana shu dindir. Chunki, bu din, tinchlik va nafis dindir. Rasuli akram alahissalotu vassalom islom dinini olib kelganlarida mushriklar turli tuman fitnalar va turli ozorlar payida bo'lishdi. Sahobalardan Abu Bakr roziyallohu anhu: “Bir insonni Alloh degani uchun o'ldirasizlarmi?” dedilar.
Mushriklar turli fitnalar, aziyatlar va hattoki musulmonlar bilan oldi berdini kesishdi bu ishlari bilan islomni yuqotish payida edilar. Ular aytishardiki: “Agarda Muhammadni o'ldirsak uning dini ham yuqoladi”. Mana shunday islom dushmanlarining nomlari islomda yomonlik bilan muhrlandi, lekin Alloh O'z dinini himoya qildi. Birgina hazrat Bilol roziyallohu anhuni olaylik, musulmon bo'lganlarida u kishini islomdan qaytarish uchun mushriklar qanchalar harakat qilishdi qanchalar aziyatlar etkazishdi. Lekin pok qalbli, qalbini islomning go'zalligi qoplagani uchun bir lahza bo'lsin “Alloh birdir, Alloh yagonadir” degan so'zdan tonmadilar.
Bu din bizgacha mana shunday qiyinchiliklar bilan etib keldi. Bu yo'lda ko'pgina mashaqqatlar chekilgan. Islom dinining himoyachisi Allohdir bu dinga fitna uyg'otadiganlar albatta o'z qarshisida Allohni ko'radi. Chunki, islom dinida fitna uyg'otadigan, va musulmonlarni bir biriga tushuradigan fitnakorlar bu fitnalari bilan faqatgina o'zlariga zarar etkazadilar.
Hozirgi kunda islomni niqob qilib, ba'zilarning kafilligida turib, islomni buzmoqchi bo'lganlar, uzoqlarda turib o'z yurtidagi islomni, musulmonlarni yomonlayotganlar, afsuski yo'q emas. Bular islom dininig himoyachilari emas balki, buzuvchilaridir. Bir olimni so'zini eshitganda, uni masxaralab unga yomon so'zlarni aytish ming afsuski musulmonchilik emas. Hozirgi kunda ba'zi ilmsizlardan mana shunday musulmonga to'g'ri kelmaydigan amallarda ko'rishligimiz mumkin. Biror olimning so'zi yoki ma'ruzasi ijtimoyi tarmoqlarda qo'yilsa unga o'zining salbiy fikrlarini bildiradigan ilmsizlar oz bo'lsa ham bor vaholanki, Payg'ambarimiz o'zlarining hadisi muboraraklarida: “haqiqiy musulmon uki, uning qo'lidan ham tilidan ham boshqalar omonda bo'lganlar” deb marhamat qilganlar. Musulmon man degan kishi qo'li bilan bo'lsin yoki tili bilan bo'lsin birovga ozor etkazmaydi. Mana shu yo'l Muhammadiy ta'lim va tarbiyadir.
Alloh dinimizni, millatimizni fitnachilar fitnasidan asrasin.
Muhammadxon Nuriddinov
BBC Studios vakili: Prezident tashabbusi O‘zbekistonni xalqaro madaniy muloqot chorrahasiga aylantirmoqda
BBC Studios’ning Yevroosiyodagi tijoriy vakili Sergey Stanovkinning ta’kidlashicha, Prezident Shavkat Mirziyoyev tashabbusi bilan Toshkentda o‘tgan «Islom sivilizatsiyasi: yangi nigoh — yangi kashfiyotlar» Xalqaro mediaforumi O‘zbekistonning o‘z tarixi va sivilizatsion merosini global auditoriyaga mustaqil ovoz bilan yetkazishga qaratilgan yangi media maydoniga aylandi, xabar bermoqda iccu.uz.
Sergey Stanovkin, BBC Studios’ning Yevroosiyodagi tijoriy vakili
– Ushbu mediaforumning ahamiyati juda katta. Professional ommaviy axborot vositalari vakillarini bir maydonga jamlash axborot muhitida mutlaqo boshqa natija beradi. Bugun blogerlik jadal rivojlanayotgan muhim yo‘nalishlardan biri bo‘lsa-da, an’anaviy OAVning o‘z auditoriyasi, ta’sir doirasi, ishonch darajasi va tahririy siyosati bor. Shu bois bu tadbirning aynan mediaforum shaklida o‘tkazilayotgani va unda ko‘plab xalqaro OAV vakillari ishtirok etayotgani alohida ahamiyatga ega.
Endilikda muhim vazifa — xalqaro media kun tartibida Markaziy Osiyo va O‘zbekistonga yanada keng o‘rin berish. Buning uchun O‘zbekiston va Islom sivilizatsiyasi markazi o‘z ovozi, o‘z kontenti va samarali kommunikatsiyalariga ega bo‘lishi kerak. Chunki Islom sivilizatsiyasi markazining dunyoga aytadigan gapi, taqdim etadigan mazmuni bor.
Islom sivilizatsiyasi markazining tashkil etilishi ham shu nuqtayi nazardan juda muhim. U nafaqat mamlakatlar o‘rtasida, balki o‘tmish va kelajak o‘rtasida ham ko‘prik yaratadi. Tarixni anglash kelajakni to‘g‘ri qurishga yordam beradi. BBC’da “O‘zbekiston — sivilizatsiyalar chorrahasi” reklamaviy kampaniyasi bo‘lganida, men bu haqda ko‘p o‘ylagan edim. Menimcha, Islom sivilizatsiyasi markazi ham gumanitar sohadagi ana shunday muhim chorrahalardan biri — u odamlarni Toshkentga, O‘zbekistonga chorlaydi va turli mamlakatlarni yaqinlashtiradi.
O‘zbekistonni xalqaro madaniy muloqot uchun muhim maydonga aylantirayotgan asosiy jihat — uning faolligi va tashabbuskorligi. Bu iqtisodiyotda ham, madaniyatda ham yaqqol ko‘rinmoqda. Ayniqsa, kelajakka qaratilgan qarash O‘zbekistonni ajratib turadi. O‘tmishni o‘rganish juda muhim, ammo kelajak haqida gapirish va rivojlanish yo‘nalishini belgilash ham shunchalik ahamiyatli. Ana shunda yangi hamkorlar va yangi tarafdorlar paydo bo‘ladi. O‘zbekiston buni juda yaxshi amalga oshirmoqda. Shu bois uning do‘stlari va hamkorlari ko‘p. Ishonchim komilki, O‘zbekistonni katta va porloq kelajak kutmoqda.
O‘zbekiston musulmonlari idorasi Matbuot xizmati
