E'tiqodda adashmaslik, ikki dunyo saodatiga erishtiradi
Alhamdu lillahi robil a'lamin, vassolatu vassalamu 'ala xoyri holqihi va 'ala alihiy va ashabihi ajma'in.
Bugungi kunda, aholi orasida “Kimningdir farzandi buzg'unchi toifalarga qo'shilib, Suriyaga ketib, u erda janglarda vafot etibdi, ota-onasi farzandining adashgan toifalarga qo'shilib qolganligidan mahallada, yoru-do'stlari orasida bosh ko'tara olmay, farzand dog'ida bu dunyoni tark etibdi” degan gaplarni eshitib yuraging eziladi.
Ularga qarab, “Ey g'ofil banda, senga nima etmagan edi, Allohning roziligini olish uchun boshqa tinch odamlarni o'ldirish mumkin emas-ku, Sening yurtingda din sohasida barcha sharoitlar mavjud-ku, Sen ilm olib, yaxshi amallarni qilib, ota-onang, yoru do'stlaring, qarindosh urug'laring, eng avvalo Ona Vataning uchun foydali ishlar qilsang bo'lmasmidi?!
Ming afsus, sen yosh nihol vaqtingda zararkunanda qurtlarning ta'siriga tushib, o'zingni va ota-onangni og'ir ahvolga solding”.
Axir Alloh insonga hayot deb atalmish ulug' ne'matni sinov uchun bir marotaba beradi-ku, Sen, bu sinovda nega adashding?!,
Endi qiyomat kuni sen o'zing o'ldirgan o'sha yurtdagi begunoh musulmon insonlar, yurti vayronaga aylangan, etim qolgan norasidalar, beva qolgan muslimalar, farzand dog'iga uchragan ota va onalar, tinchligi va halovati buzilgan boshqa mo'minlarning oldida, eng asosiysi seni yaratib, senga ulug' ne'matlarni bergan Alloh taolo oldida nima deb javob berasan?!.
Vaholanki, Alloh o'zining muqaddas kitobida, Bas, “... o'z qo'llaringiz bilan o'zlaringizni halokatga tashlamangiz!”. (Baqara, 195) deb aytib qo'yganku.
Shuningdek, bir qator dunyodagi va yurtimizdagi olimlar, diniy ulammolar va olimlar adashgan kimsalarni to'g'ri yo'lga da'vat qilib, bir necha kitoblar yozishgan, hozir ham yozishmoqda.
Biroq, ekstremistik oqimga kirgan kimsalarning gumrohligi shundaki, ular faqat o'zlariga o'xshagan kishilarning gapiga quloq soladi. Marifiy suhbatlarga kelmay, kelsa ham befarq munosabatda bo'ladi. Unga chin dildan, samimiy nasihat qilib, to'g'ri yo'lni ko'rsatgan olimning gapiga ko'nmaydilar.
Shu sababli, bular haqida Qur'oni karimda shunday deyilgan: “Parvardigorining oyatlari bilan nasihat qilinganidan so'ng, ulardan yuz o'girgan kimsadan ko'ra kim ham zolimroqdir?! Albatta, Biz (unday) jinoyatchilardan (dunyo va oxiratda) intiqom oluvchidirmiz”. (Sajda, 22).
Alloh bu kabi toifalarning fitnasidan o'zi asrasin, yurtimizdagi tinch va osuda hayotni saqlanishi, halqimizni farovon kun kechirishiga xizmat qilishga barchamiz mas'ulmiz. Zero, Qur'oni karimda Alloh “Fitna-qatl etishdan ham yomonroqdir”. (Baqara, 191). deb bejiz aytmagan.
Muhammadxon Nuriddinov
Qariyb 50 mamlakat jurnalistlari yangi Imom Buxoriy majmuasi va Samarqandning asosiy yodgorliklarini ziyorat qiladi
«Islom sivilizatsiyasi: yangi nigoh — yangi kashfiyotlar» Xalqaro mediaforumi ishtirokchilari 27 avgust kuni Samarqandga yo‘l oladi. Ular yangidan bunyod etilgan Imom Buxoriy yodgorlik majmuasi, Imom Buxoriy xalqaro ilmiy-tadqiqot markazi hamda Imom Buxoriy nomidagi Innovatsion muzey bilan tanishadi. Kunning ikkinchi yarmida esa ishtirokchilar uchun shaharning tarixiy-madaniy meros obyektlari, jumladan, YUNЕSKOning Jahon merosi ro‘yxatiga kiritilgan yodgorliklar bo‘ylab maxsus dastur tashkil etiladi, xabar bermoqda iccu.uz.
Yodgorlik majmuasi Samarqand viloyati Payariq tumanida, buyuk muhaddis va ilohiyotshunos Muhammad al-Buxoriyning (810–870) dafn etilgan joyida joylashgan. U «Sahihi Buxoriy» to‘plami muallifi bo‘lib, mazkur asar sunniy islomdagi eng mo‘tabar hadis to‘plamlaridan biri hisoblanadi.
Keng ko‘lamli rekonstruksiyadan so‘ng majmua 2026 yil bahorida ziyoratchilar uchun qayta ochildi. Uning umumiy hududi 45 gektarni tashkil etadi. Bu yerda 10 ming kishilik masjid, ma’muriy va xizmat ko‘rsatish binolari, 154 ustunli ayvon, 14 ta moviy gumbaz va balandligi 75 metr bo‘lgan to‘rtta minora barpo etilgan. Rekonstruksiyadan so‘ng majmuaning kunlik qabul qilish quvvati 12 ming nafardan 65 ming nafargacha oshdi.
Majmuaning markaziy qismlaridan biri — to‘qqizta pavilondan iborat yangi Imom Buxoriy Innovatsion muzeyidir. Ekspozitsiya allomaning hayoti, hadisshunoslik tarixi va uning ilmiy merosiga bag‘ishlangan. Shuningdek, muzeyda Qur’onda zikr etilgan payg‘ambarlar, Payg‘ambarimiz Muhammad sollallohu alayhi vasallamning Makka va Madinadagi hayoti hamda yozma hadis to‘plamlarining shakllanish tarixi haqida ma’lumotlar berilgan.
Majmua yaqinida Imom Buxoriy xalqaro ilmiy-tadqiqot markazi ham faoliyat yuritadi. Markaz islom ilmiy va qo‘lyozma merosini, jumladan, Markaziy Osiyoning o‘rta asr olimlari asarlarini o‘rganish, ilmiy tadqiqotlar va tarjimalar tayyorlash, shuningdek, xalqaro ilmiy almashinuvni rivojlantirish bilan shug‘ullanadi.
Majmuaga tashrifdan so‘ng forum ishtirokchilari tarixiy Samarqand bilan tanishadi. Shaharning asosiy me’moriy yodgorliklari qatoriga Registon, Bibixonim masjidi, Shohi Zinda majmuasi va Go‘ri Amir maqbarasi kiradi. YUNЕSKO ushbu to‘rt obyektni 2001 yilda «Samarqand — madaniyatlar chorrahasi» nomi bilan Jahon merosi ro‘yxatiga kiritilgan tarixiy shaharning asosiy yodgorliklari sifatida e’tirof etadi.
Samarqand bosqichi 24–28 avgust kunlari Toshkent va Samarqand shaharlarida bo‘lib o‘tadigan «Islom sivilizatsiyasi: yangi nigoh — yangi kashfiyotlar» Xalqaro mediaforumi dasturining bir qismi bo‘ladi.
Press-slujba Upravleniya musulman Uzbekistana
