«O'zbekistondadir baxtim, toleim»
Chorak asrdan oshibdiki, har yili noyabr' oyining 16-sanasini butun dunyoda Halqaro bag'rikenglik kuni sifatida nishonlash yaxshi an'anaga aylangan. Shu munosabat bilan bu yil ham Madaniyat vazirligi huzuridagi Millatlararo munosabatlar va xorijiy mamlakatlar bilan do'stlik aloqalari qo'mitasi, Din ishlari bo'yicha qo'mita hamda qator vazirlik va tashkilotlar hamkorligida yurtimiz bo'ylab «Bag'rikenglik haftaligi» o'tkazilmoqda.
Katta tomosha maydonlari, xiyobonlar va istirohat bog'larida madaniy, ma'naviy-ma'rifiy, ilmiy-amaliy tadbirlar o'tkazish ko'zda tutilgan haftalikka Toshkentdagi «Yangi O'zbekiston» bog'ida turli millat va diniy konfessiyalar vakillari ishtirokida Mustaqillik monumentiga gulchambar qo'yish bilan start berildi.
«Yangi O'zbekiston» gazetasi
Xonadonlarga mehr, ko‘ngillarga umid taratgan bayram
O‘zbekiston musulmonlari idorasi raisi Shayx Nuriddin Xoliqnazar tashabbuslari bilan O‘zbekiston Respublikasi Mustaqilligining 35 yilligi munosabati bilan Qoraqalpog‘iston musulmonlari qoziyati va qoziyotga qarashli barcha masjid imom-xatiblari tomonidan nuroniy keksalar, mehnat faxriylari hamda yordamga muhtoj oilalarning holidan xabar olindi. Tadbir doirasida muhtoj oilalarning turmushini yengillashtirish maqsadida bir oilaga zamonaviy quyosh paneli o‘rnatib berilib, qo‘shimcha bayram sovg‘alari topshirildi. Bunday xayriya tashabbuslari jamiyatda o‘zaro ahillik, mehr-oqibat va inson qadrini ulug‘lash muhitini yanada mustahkamlashga xizmat qiladi.
Qoraqalpog‘iston musulmonlari qoziyoti
