Niqob kiyishga, haroratni tekshirishga va cheklangan sonda masjidlarga qatnashga majbur bo'lgan Qo'shma shtatlar musulmonlari Ramazon oyida masjidda namoz o'qish imkoniyati ne'mat, deb hisoblashmoqda.

Virjiniya shtatining Aleksandriya shahridagi masjidga boradigan efiopiyalik Amir Muhammad: "Ramazon oyining o'tishi hali ham farqlanib turibdi", – deydi. Cheklovlarga qaramay, – "Bu ne'mat", - deydi u.

Virjiniya shtatining Folls-Cherch shahridagi Al-Hijra Islom markazi jamoatchilik bilan aloqalar direktor, imom Naim Bayg ham masjidlar nihoyat ochilganidan mamnun. "Odamlar masjid ochiq ekanidan juda xursand", – deydi u. – "Bu ularga jamoa hissi – bir-birini ko'rish va birgalikda ibodat qilish imkoniyatini beradi".

Islam.ru xabariga ko'ra, Ramazon oyining odatiy marosimlaridan ba'zilari, masalan, jamoat iftorligi hali o'tkazilayotgani yo'q.

"Do'stlar va oilamni iftorga taklif qilishni sog'indim", – deydi Tennessi shtatidagi Noksvill musulmon jamoasining hammuassisi, ijtimoiy xizmatlar tashkiloti, Shimoliy Amerika islom doiralari jamoatchiligi bilan ishlash bo'yicha direktor imam Rafiq Maxdi. – "Birodarlik ruhi va bolalarning kulgusini qumsadim".

Shu bois masjidlar va musulmon tashkilotlari ijtimoiy masofaga rioya qilgan holda, muhtojlarga zarur oziq-ovqat to'plamlarini tarqatish kabi xayriya ishlari bilan shug'ullana boshladilar.

O'zbekiston musulmonlari idorasi matbuot xizmati