BAAda ilk raqamli islom banki ochildi
Birlashgan Arab Amirliklarida faoliyati shariat qonunlariga to'la mos keladigan birinchi RIZQ / BARAKA raqamli islom banki ochildi, deb xabar bermoqda Arab News.
Bank korporativ va xususiy mijozlar uchun raqamli xizmatlarni birga olib boradi. Bank Shveytsariya Zurich Capital Funds Group moliyaviy xolding kompaniyasi tomonidan tashkil etilgan.
U shariat qonunchiligiga muvofiq operatsiyalarni o'tkazadi.
Hizmatlarni mobil' telefon yoki komp'yuter yordamida raqamli formatda olish mumkin bo'ladi. Maxsus dasturni Apple Store yoki Google Play orqali yuklab olish imkoniyati bor.
BUSINESS EMIRATES ma'lumotlariga ko'ra, Bank yaqin Sharq va Shimoliy Afrikadagi mijozlarga xizmat ko'rsatadi. Kelgusida bank ta'sischilari Avstraliya, Ozarbayjon, Braziliya, Buyuk Britaniya, Hindiston, Indoneziya, Mavritaniya, Malayziya va O'zbekistondagi banklar va boshqa moliya institutlariga o'z faoliyatlarini kengaytirish niyatida.
Zurich Capital Funds boshqaruvi raisi Fahid Al Merhebining so'zlariga ko'ra, bu bank shariatga me'yorlariga mos platforma ishga tushirilgandan keyingi so'nggi raqamli g'oyalaridan biridir.
O'zbekiston musulmonlari idorasi matbuot xizmati
Saudiya Arabistonida o‘tkazilayotgan xalqaro Qur’on tanlovida 133 davlat vakillari ishtirok etmoqda
Qirol Abdulaziz nomidagi Qur’oni karimni yod olish, o‘qish va sharhlash bo‘yicha qirq oltinchi xalqaro tanlovning saralash bosqichi 7 avgust kuni Makka shahridagi musobaqalar o‘tkaziladigan joyda 133 davlatdan 334 nafar ishtirokchi (erkak va ayollar) ishtirokida boshlandi.
IQNA "Minbar" gazetasiga tayanib xabar berishicha, Qirol Abdulaziz nomidagi Qur’oni karimni yod olish, o‘qish va sharhlash bo‘yicha qirq oltinchi xalqaro tanlovning saralash bosqichi bir kun avval Makkadagi musobaqalar o‘tkaziladigan joyda boshlangan va final bosqichini Masjidul Haromda o‘tkazish uchun zamin tayyorlagan.
Saudiya Arabistoni Islom ishlari, da’vat va hidoyat vazirligi tomonidan tashkil etilgan ushbu tadbirning saralash bosqichida hakamlar hay’atlari eng yuqori aniqlik va shaffoflik standartlariga rioya qilgan holda, Qur’on tilovati uslublari va qoidalariga ixtisoslashgan taniqli xalqaro hakamlar guruhi nazorati ostida erkak va ayol ishtirokchilarning chiqishlarini tinglab, final bosqichiga kimlar o‘tishini aniqladi.
Tanlovning joriy bosqichi 133 mamlakatdan 334 nafar ishtirokchi (erkak va ayollar) ishtirokida o‘tkazilmoqda, ular besh toifa: "Shatibiya" usuli bo‘yicha yetti xil qiroat asosida Qur’oni Karimni to‘liq yodlash (qiroat va nazariy bilimlarni, shuningdek, tajvid qoidalarini a’lo darajada bajarish va rioya qilishni o‘z ichiga oladi); a’lo darajada ijro etish, tajvidga rioya qilish va so‘zlarni sharhlash bilan Qur’oni Karimni to‘liq yodlash; a’lo darajada ijro etish va tajvidga rioya qilish bilan Qur’oni Karimni to‘liq yodlash; a’lo darajada ijro etish va tajvidga rioya qilish bilan ketma-ket o‘n beshta juzni yodlash; a’lo darajada ijro etish va tajvidga rioya qilish bilan ketma-ket beshta juzni yodlash bo‘yicha bellashmoqda.
Vazirlik ushbu global qur’oniy tadbirning muvaffaqiyatini ta’minlash uchun elektron hakamlik tizimini joriy etish, ishtirokchilarni baholashda adolat va aniqlikni ta’minlash uchun tashkiliy va keng qamrovli platformani yaratish, shuningdek, ularga turli xil xizmatlarni taqdim etish kabi barcha imkoniyatlarini ishga solishda davom etadi.
Qirol Abdulaziz nomidagi xalqaro musobaqa dunyodagi eng yirik Qur’on musobaqalaridan biri hisoblanib, uning umumiy pul mukofotlari miqdori 10 million saudiya rialidan oshadi.
Mazkur musobaqada O‘zbekiston sharafini "Mir Arab" o‘rta maxsus islom ta’lim muassasasi, "Sayyid Muhiddin maxdum" o‘rta maxsus islom ta’lim muassasasi, Imom Buxoriy nomidagi Toshkent islom instituti hamda "Xadichai Kubro" qizlar o‘rta maxsus islom bilim yurti talabalari himoya qilishi haqida avval xabar berilgan edi.
O‘zbekiston musulmonlari idorasi Matbuot xizmati
