Dubay hukumati muqaddas ro'za oyi munosabati bilan mahalliy kafe va restoranlar faoliyatiga cheklov qo'ydi.
Munitsipalitet qaroriga ko'ra, butun Ramazon oyida umumiy ovqatlanish shoxobchalari egalari peshayvonlarda ovqatni tortish va uni ko'chada hammaga ko'rsatib qo'yish ta'qiqlandi. Mynamaz.ru xabariga ko'ra, ushbu cheklov mehmonxonalardagi restoranlarga taalluqli emas.

Avvalroq, Ramazon oyi davomida Dubayga tashrif buyurgan rossiyalik sayyoh bu davrni dam olish uchun ideal vaqt deb atagan edi. Qolaversa, u milliy taomlar bilan iftorlik, madaniy tadbir va savdo-sotiqdagi chegirmalarni ijobiy holat sifatida aytib o'tgan.

O'zbekiston musulmonlari idorasi matbuot xizmati