"Ko‘kaldosh" o‘rta maxsus islom bilim yurtida imkoniyati cheklangan fuqarolar uchun tashkil etilgan "Qur’oni karim va tajvid" o‘quv kursining navbatdagi bosqichi boshlandi.

Ta’kidlash joizki, bilim yurtida ushbu o‘quv kursi bir necha yildan buyon samarali faoliyat yuritib kelmoqda. O‘tgan yillar davomida minglab tinglovchilar bu dargohda Qur’oni karimni to‘g‘ri o‘qish va tajvid ilmini o‘rganishga muvaffaq bo‘lishdi. 

Davlatimiz tomonidan yaratilgan sharoitlar, madrasa rahbariyati va ustozlarining tinimsiz sa’y-harakatlari natijasida mazkur muassasa Qur’on ilmini o‘rganuvchilar uchun ham yuksak darajadagi ilm maskaniga aylangan. Ayniqsa, imkoniyati cheklangan fuqarolar uchun alohida sharoitlar yaratilgani tahsinga sazovor. 

Tinglovchilarga bilim yurti tomonidan "Muallimi soniy" va Qur’oni karim hadya qilindi.

O‘zbekiston musulmonlari idorasi

Matbuot xizmati