YuNYeSKOning Jahon merosi ro'yxatiga kiritilgan Turkiyaning Bechin shahridagi 600 yillik qadimiy va noyob masjid qayta tiklanmoqda.

Islam.ru ma'lumotlariga ko'ra, arxeologlar jamoasi rahbari professor Qodir Pektasning aytishicha, ular madrasa va hammom bilan qurilgan majmuadagi eng yirik bino Yelli masjidini qayta ochishni rejalashtirishgan.

Pektasning so'zlariga ko'ra, masjid nafaqat qadimiy shaharning, balki o'sha davrdagi butun Anatoliyaning eng ajoyib inshootlaridan biri bo'lgan.

Masjid ham tabiat hodisalar, ham odamlar sabab yuzaga kelgan ayrim omillar tufayli vaqt o'tishi bilan yaroqsiz holga kelganini ta'kidlab, Pektas bunday dedi: "Madaniyat va turizm vazirligidan olgan mablag' bilan restavratsiya ishlari muttasil davom etmoqda".

"Asliga mos ravishda mahalliy materiallardan foydalangan holda olib borgan restavratsiya ishlari doirasida masjiddagi yoriqlar "arxitektura choklari" usulida ta'mirlandi", - deydi u.

Pektasning aytishicha, binoning mintaqadagi kuchli zilzilalarga qaramay omon qolishi o'sha davrning mashhur me'moriy muvaffaqiyati bilan bog'liq.

Bechinda 1972 yildan boshlab muntazam ravishda arxeologik qazishmalar amalga oshirilib kelingan va 2000 yilda tangalar xazinasi topilgan, ulardan 60 000 tasi Usmonlilar davriga tegishli.

"Bu arxeologik qazishmalar paytida Turkiyada topilgan nafaqat eng katta xazina, balki Usmonli tangalari bilan topilgan eng katta xazina hamdir", - ta'kidlashdi YuNYeSKO vakillari.

O'zbekiston musulmonlari idorasi matbuot xizmati