Sayt test holatida ishlamoqda!
25 Iyul, 2025   |   30 Muharram, 1447

Toshkent shahri
Tong
03:35
Quyosh
05:12
Peshin
12:35
Asr
17:36
Shom
19:51
Xufton
21:20
Bismillah
25 Iyul, 2025, 30 Muharram, 1447

Malayziyada Ramazon bozorlari ochildi

23.04.2021   1725   1 min.
Malayziyada Ramazon bozorlari ochildi

Mamlakat poytaxti Kuala-Lumpurning markaziy maydonlaridan birida muhtasham Hindiston masjidi yonida, Ramazon bozori yana ochildi. Unda musulmonlar deyarli hamma narsani sotib olishlari mumkin, deb xabar bermoqda" Bol'shaya Aziya ".

"Bu yil Ramazon bozorlarimizni qayta ochilgani uchun hukumatdan juda xursand va minnatdorman!, – deya o'z hissiyotlarini yashirmaydi Do'kon egasi Robiya Ahmad . – Odamlar vaziyat yaxshilanib borayotganini his qilishmoqda. Garchi hali ham niqob kiyish va barcha ko'rsatmalarga amal qilish kerak bo'lsa-da".

– Bu yil yana savdoga qaytish imkoniyatiga ega bo'lganim biz uchun juda muhim, – deydi sotuvchi ayol Riyena Ameliya hamkasbiga qo'shilib. – Aks holda yashashim qiyin bo'lardi. Qo'lga kiritilgan pul oila byudjetini to'g'rilashga imkon beradi, juda xursandman!".

"O'tgan yili shirinliklarni faqat onlayn tarzda sotishimiz mumkin edi," – deydi sotuvchi Mayzatul Hasana. - Endi bizda yana daromad manbai bor, shuning uchun juda xursandman!".

 

O'zbekiston musulmonlari idorasi matbuot xizmati

Dunyo yangiliklari
Boshqa maqolalar

Anqarada Turkiy davlatlar ulamolari o‘zaro tajriba almashmoqda

23.07.2025   3074   1 min.
Anqarada Turkiy davlatlar ulamolari o‘zaro tajriba almashmoqda

Shu kunlarda Turkiy davlatlar tashkilotiga a’zo mamlakatlar Diniy idoralari huzuridagi Fatvo kengashining navbatdagi seminari Turkiya poytaxti Anqara shahrida bo‘lib o‘tmoqda. Unda O‘zbekiston, Turkiya, Qirg‘iziston, Qozog‘iston va Ozarbayjon davlatlaridan kelgan mutaxassislar ishtirok etmoqda.
 

Tadbir Turkiy davlatlar tashkiloti kotibiyati tashabbusi va Turkiya diyonat ishlari boshqarmasi hamkorligida tashkil etilgan yig‘ilish olti kunlik maxsus seminar shaklida o‘tkazilmoqda. 


Mazkur yig‘ilishda yangi oyni kuzatish, namoz vaqtlari, taqvim tuzish, ozuqa mahsulotlariga qo‘shiladigan jelatin moddasining hukmi, safar masofasi, zakot nisobini aniqlashga oid masalalar bo‘yicha har bir yurt vakili o‘z tajribalarini bayon qilib, fikr-mulohaza almashmoqda. Shuningdek, tadbir qatnashchilari Turkiya diyonat ishlari boshqarmasi ish faoliyati bilan ham yaqindan tanishmoqda. 


Yig‘ilishdan ko‘zlangan maqsad Turkiy davlatlar o‘rtasida diniy-ma’rifiy aloqalarni yanada mustahkamlash, fatvolar chiqarishda o‘zaro yakdillik va birxillikni ta’minlashdir.   


Ushbu xalqaro seminarda O‘zbekiston musulmonlari idorasi Fatvo markazi ulamolari G‘ulomiddin domla Xolboyev, Hikmatulloh domla Toshtemirov, Abdulatif domla Tursunov qatnashmoqda.  

O‘zbekiston musulmonlari idorasi 
Matbuot xizmati

Anqarada Turkiy davlatlar ulamolari o‘zaro tajriba almashmoqda Anqarada Turkiy davlatlar ulamolari o‘zaro tajriba almashmoqda