2021 yil 21 aprel' kuni O'zbekiston musulmonlari idorasi raisining o'rinbosarlari Ibroxim Inomov domla Qashqadaryo viloyatiga tashrifi chog'ida Qarshi shahridagi “Aralovul”, “Qum qishloq” va “Mahallot” jome masjidlarida bo'lib, masjidlarning holati, karantin qoidalariga rioya etilayotganligi, ibodat qiluvchi fuqarolarga yaratilgan shart-sharoitlar bilan yaqindan tanishdi va o'zining ko'rsatma va tavsiyalarini berdi. 
Shu kunning o'zida Qarshi shahridagi “Ko'k gumbaz” markaziy jome masjidida peshin namozi vaqtida masjid qavm a'zolari bilan uchrashib, ularga karantin talablariga rioya qilish kerakligi, pandemiya balosidan qutilish uchun xar – birimiz mas'ul ekanligimiz, masjidlarda o'qilayotgan taroveh hamda Hatmi Qur'onlarda namozxonlar tibbiy niqobda bo'lishi, oraliq masofani saqlashning ahamiyati hamda “Mazhabsizlikning zararlari” mavzusida oyat, hadis va hayotiy misollar orqali ma'ruza qilib, muborak Ramazon oyi bilan qutlab, xayrli duolar qilib berdi.