Ramazon oyi munosabati bilan Eronning “Al-Kavsar” telekanalida 14-xalqaro Qur'oni karim musobaqasi bo'lib o'tmoqda. Unga “Albatta, taqvodorlar uchun (jannatda katta) najot (va ne'matlar) bordir” oyati karimasini shior qilishgan.

Mazkur musobaqa Ramazon oyi yakuniga qadar davom etadi. Unda dunyoning turli mamlakatlaridan taniqli va mahoratli qorilar o'zaro raqobatlashadi. Musobaqaning ilk kunlarida Misr, Afg'oniston, Jazoir, Eron, Iroq, Germaniyaning qorilari ishtirok etdi.

Musobaqani Misr, Eron, Suriya, Iroq, Iordaniya, Livan va Sudanlik 7 davlat hakamlar hay'ati Ramazon oyi davomida baholab borishadi. Birinchi beshta g'olibga qimmatbaho pul mukofotlari taqdim etiladi.

O'zbekiston musulmonlari idorasi
Halqaro aloqalar bo'limi