Imomlar mas'uliyati oshirildi
Namangan viloyati shahar-tuman bosh imom-xatiblari va barcha imom-noiblari bilan uchrashuv o'tkazildi. Unda O'zbekiston musulmonlari idorasi raisi o'rinbosarlari Jaloliddin domla Hamroqulov va Obidjon Qodirov, Din ishlari bo'yicha qo'mita, Diniy idora va viloyat hokimligi mas'ul vakillari hamda Namangan viloyati bosh imom-xatibi Musoxon domla Abbosiddinov, shuningdek, "Hidoya" o'rta maxsus diniy ta'lim muassasasi mudiri, pedagog-o'qituvchilar ishtirok etdi.
Muloqotda so'zga chiqqan soha mutaxassislari yurtimizda diniy-ma'rifiy sohada amalga oshirilayotgan islohotlar, xalqimiz ma'rifatini yuksalatirish, diniy rasm-rusumlarini emin-erkin ado etishlari uchun munosib sharoit yaratish, kelgusida diniy soha xodimlari oldida turgan vazifalarga alohida to'xtalib o'tishdi.
Notiqlar tomondan masjidlarda imom-xatib va imom-noiblar vazifada birligi, o'z ishiga mas'uliyat bilan yondashishi, sadoqat bilan ishlashi, masjidlarni obodligi, namozxonlarga namunali xizmat qilishda teng bo'lishi lozimligi haqida to'xtalib o'tildi.
Yig'ilish yakunida yaqinlashib kelayotgan muborak Ramazon oyiga puxta tayyorgarlik ko'rish, masjidlardagi obodonchilik ishlariga e'tibor qaratish bo'yicha mas'ullarga topshiriq berildi.
.jpg)
O'zbekiston musulmonlari idorasi
Namangan viloyati vakilligi
Matbuot xizmati
Tarixni buzib ko‘rsatmaslik uchun
Vazirlar Mahkamasi huzuridagi Imom Buxoriy xalqaro ilmiy-tadqiqot markazida "Islom ma’rifati, hadis ilmi va Imom Buxoriy merosi" o‘quv kursi o‘tkazildi. Mutaxassislar tomonidan yodgorlik majmuasi gid-ekskursovodlari uchun o‘tkazilgan mashg‘ulotlar doirasida ekskursiya faoliyati bilan bog‘liq huquqiy, nazariy va amaliy masalalar ko‘rib chiqildi, xabar bermoqda “Samarkandskiy vestnik” nashri.
- Bu yerga tashrif buyurgan har bir ziyoratchi faqat ibodat qilish uchun emas, balki ma’naviy "oziq" olish uchun ham borishi kerak, - deydi Imom Buxoriy xalqaro ilmiy-tadqiqot markazi direktori Sh.Ziyodov. - Bu yerda faoliyat yuritayotgan gidlarning malakasini oshirish tizimini yo‘lga qo‘yar ekanmiz, ularga Imom Buxoriyning bizga qoldirgan merosini, bu merosning tarixiy manbalarini chuqur o‘rgatishimiz shart.
Kurs doirasida majmuaga birinchi marta tashrif buyurgan mehmonlar bilan muloqotning o‘ziga xos xususiyatlari muhokama qilindi. Xorijlik ziyoratchilarga nafaqat Imom al-Buxoriy hayotidagi faktlar va diniy qadriyatlarimizni yetkazish, balki boy madaniy merosimizni asrab-avaylash va yetkazish kabi dolzarb masalalar ko‘tarildi.
Gid-ekskursovodlar ham o‘z tajribalari bilan o‘rtoqlashib, kelgusidagi ishlarni tashkil etish bo‘yicha takliflar berdilar. Bu bevosita ekskursiyalarni o‘tkazish paytida yuzaga keladigan masalalarni muhokama qilish imkonini berdi.
Kurs O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mita, Diniy ta’lim sohasida kadrlar malakasini oshirish va qayta tayyorlash instituti, Imom Buxoriy xalqaro ilmiy-tadqiqot markazi, viloyat hokimligi hamda Imom Buxoriy yodgorlik majmuasini saqlash va uning atrofini obodonlashtirish departamenti tomonidan tashkil etildi.
Tarixiy obidalar va ziyoratgohlar turizm salohiyatining muhim qismi bo‘lgan Samarqand viloyati uchun malakali mutaxassislarni tayyorlash alohida ahamiyatga ega. Mehmonga tashrif buyuriladigan joyning tarixi qanchalik to‘liq va tushunarli ochib berilishi gidning professionalligiga bog‘liq. Shuning uchun ham gid-ekskursovodlarning malakasini muntazam oshirib borish, ularning kasbiy bilim va ko‘nikmalarini takomillashtirish hamda zamonaviy xizmat ko‘rsatish standartlarini joriy etish Samarqandda turizm xizmatlari sifatini oshirishda ustuvor yo‘nalishlardan biri bo‘lib qolmoqda.
O‘zbekiston musulmonlari idorasi Matbuot xizmati
- «
- »