"Indoneziya ovozi" radiokanali: O'zbekistonda Ramazon qanday o'tkaziladi?
Indoneziyaning etakchi radiokanali "Indoneziya ovozi" " O'zbekistonda Ramazon" eshittirishini efirga uzatdi. Bu haqda "Dunyo" AA xabar berdi.
Dastur boshlovchisi Asmavati mamlakatimizning Indoneziyadagi elchixonasi xodimlari bilan masofaviy muloqot qildi.
Efirda O'zbekistonda Ramazon oyini nishonlash odatlari, oila va do'stlar bilan iftorlarni tashkil etishning o'ziga xos jihatlari va an'anaviy taomlar – nisholda va palov tayyorlash haqida ma'lumot berildi. Shuningdek, yurtimizda Ramazon oyini o'tkazishni istagan indoneziyalik sayyoh va ziyoratchilar uchun ziyorat turizmi imkoniyatlari muhokama qilindi.
Kuni kecha Indoneziyada o'zbek me'morlik uslubida ilk marta qurilgan Imom al-Buxoriy masjidi ochilishi, ayni kunlarda mamlakat bo'ylab Abu Ali ibn Sinoning "Sharqdan nur" hayoti haqidagi hujjatli fil'mi haqida hikoya qilindi.
Dastur yakunida elchixona xodimlari Indoneziya musulmonlarini Ramazon oyi bilan tabriklab, ikki mamlakatga tinchlik va farovonlik tilashdi.
O'zbekiston musulmonlari idorasi matbuot xizmati
HAMDARDLIK BILDIRAMIZ
O‘zbekiston musulmonlari idorasi jamoasi Imom Termiziy xalqaro ilmiy-tadqiqot markazi xodimi Hikmatulloh domla Abiyevga padari buzrukvorining vafoti munosabati bilan ta’ziya bildiradi.
Alloh taolo marhumning barcha solih amallarini husni qabul aylasin, jannati Firdavsdan joy ato qilsin, rahmatiga olsin.
Marhumning ahli bayti va yaqinlariga go‘zal sabr, sabrlariga ajrlar ato etsin. Musibatlari o‘rnini yaxshiliklar ila to‘ldirsin.
Innaa lillaahi va innaa ilayhi roji’uun!
«Barchamiz Allohnikimiz va barchamiz U Zotga qaytamiz».
O‘zbekiston musulmonlari idorasi
