RO'ZA TUTMAGANLARNI IFTORLIKKA ChAQIRISh MUMKIN EMASMI?
— Odatda iftorlikka qo'shnilar, yaqin qarindoshlar chaqiriladi. Lekin ularning orasida ba'zan tutmaganlari ham bo'ladi. Bir safar tanishimni iftorlikka chaqirsam: “Sog'lig'im sababli ro'za tutolmadim, iftorlikka borolmayman, borsam iftorlik qilgan odamning savobini kamaytirib qo'yaman”, dedi. Do'stimning gapi to'g'ri-mi? Faqat ro'za tutganlar uchun iftorlik qilish kerak-mi?
— Bismillahir Rohmanir Rohim. Iftor qildirish degani ro'za tutgan kishini kunning oxirida biron taom yoki ichimlik bilan ikrom qilish ma'nosidadir. Shuning uchun iftor dasturxoniga ro'zadorlar chaqiriladi. Ammo shar'iy sabab bilan ro'za tutmagan kishilar u dasturxondan taomlanishlari joiz. Savobi kamayib qoladi, degan gap noto'g'ri.
Muhammad Ayyub HOMIDOV
Yurtimiz bo‘ylab 6000 nafarga yaqin obodonlashtirish xodimlariga bayram hadyalari ulashildi
Mustaqilligimizning 35 yillik bayrami arafasida O‘zbekiston musulmonlari idorasi huzuridagi “Vaqf” xayriya jamoat fondi mahalliy hokimliklar bilan hamkorlikda yurtimiz ozodaligiga beqiyos hissa qo‘shib kelayotgan 2500 nafardan ortiq obodonlashtirish xizmati xodimlariga oziq-ovqat jamlanmalari tarqatdi.
Tadbirlardan ko‘zlangan asosiy maqsad mashaqqatli va sharafli mehnati har doim ham ko‘zga ko‘rinavermaydigan soha xodimlarining mehnatini e’tirof etish, ularning qalbiga bayram shukuhi, xonadonlariga quvonch kiritishdir.
Inson qadrini ulug‘lash va ijtimoiy himoyaga muhtoj qatlamni qo‘llab-quvvatlashga qaratilgan bu kabi xayrli ishlar shu kunlarda yanada keng quloch yozib, mamlakatimizning barcha hududlarida o‘tkazildi.
Shuningdek, homiylar tomonidan Respublikamiz bo‘ylab 3500 nafarga yaqin ana shunday fidoyi xodimlarning ko‘ngli xushnud etildi.
Bu kabi xayr-saxovatga yo‘g‘rilgan bayram tadbirlari o‘lkamizning barcha go‘shalarida davom etmoqda.
O‘zbekiston musulmonlari idorasi Matbuot xizmati
