“Yoshlarni qo'llab-quvvatlash va aholi salomatligini mustahkamlash” yili doirasida O'zbekiston musulmonlari idorasi tomonidan amalga oshrilayotgan ishlar doirasida joriy yilning 7 aprel' kuni Ta'lim va ilmiy-tadqiqot bo'limi mudiri Salohiddin Sherxonov, mudir o'rinbosari Akbar Do'stmatov hamda Toshkent islom instituti o'quv va ma'naviy-ma'rifiy ishlar bo'yicha prorektori Umid Hodjayevlar “Faxriddin ar-Roziy” o'rta maxsus islom ta'lim muassasasi talabalari bilan ochiq muloqot o'tkazdi.

Muloqot davomida talabalar bilan bugungi kunda amalga oshirilayotgan islohatlardan unumli foydalanish, diniy kadrlar oldida turgan muhim vazifalar hamda ta'lim sifatini oshirish kabi masalalar keng muhokama qilindi.

Shuningdek, bu borada talabalar tomonidan aytilgan fikr-mulohazalar va ularni qiynayotgan muammolar o'rganildi hamda bildirilgan savollarga javob berildi.

Tadbir so'ngida ta'lim muassasaning iqtidorli talabalarini yanada rag'batlantirish va qo'llab-quvvatlash maqsadada ularga esdalik sovg'alari topshirildi.

O'MI Ta'lim va ilmiy-tadqiqot bo'limi