NAFSNI RAMAZON RO'ZASIGA TAYYoRLASh
Nafsni Ramazon ro'zasiga tayyorlash usullaridan biri quyidagi hadisda o'z aksini topgan:
“Oisha roziyallohu anho aytadi: “Rasululloh sollallohu alayhi vasallam ro'za tutar edilar. Hatto biz, iftor qilmasalar kerak, der edik. U zot iftor qilar edilar, hatto biz, ro'za tutmasalar kerak, der edik. Men Rasululloh sollallohu alayhi vasallamning Ramazondan boshqa hech bir oyda to'liq ro'za tutganlarini ko'rmaganman. U zotning sha'bondan boshqa hech qaysi oyda ko'p ro'za tutganlarini ko'rmaganman”.
Boshqa rivoyatda bunday deyilgan:
“Men Rasululloh sollallohu alayhi vasallamni hech bir oyda sha'bondagidek ko'p ro'za tutganlarini ko'rmadim. U zot sha'bon oyining hammasida ro'za tutar edilar. U zot sha'bon oyida faqat sanoqli kunlardagina ro'za tutmas edilar".
Bu hadislarga muvofiq, sha'bon oyida ro'za tutish sunnat bo'ladi. Ahli ilm bu haqda bunday degan:
"Sha'on oyida ro'za tutish farz namozlaridan oldin o'qiladigan sunnat namozlariga o'xshaydi. Go'yoki, u Ramazon oyi ro'zasi uchun muqaddima vazifasini bajaradi. Ya'ni, sha'bon oyi ro'zasi Ramazon oyidagi farz ro'zaning sunnati sanaladi. Shuning uchun ham sha'bon oyida ro'za tutish joriy qilingan. Shavvol oyida olti kun ro'za tutish esa, farz namozlaridan so'ng o'qiladigan sunnat namozlari kabidir”.
Hozirgi holatimiz va turmush tarzimizga nazar solsak, Rasululloh sollallohu alayhi vasallamning bu ta'limoti juda kam hollarda amalga tatbiq etilayotganiga guvoh bo'lamiz.
Oliylik yo'llarini zabt etish uchun eng shimargan va bu ulug' mavsumda ulkan foydalar bilan chiqishni niyat qilgan himmatlilar qayerda qoldi?!
"Rasululloh Ramazonda" kitobidan.
T.me/mehrob_uz
"Shavkat Mirziyoyev O‘zbekistonni butunlay o‘zgartirdi" — Ilhom Aliyev
Ozarbayjon Prezidenti Ilhom Aliyev O‘zbekistonning so‘nggi yillardagi taraqqiyoti va Prezident Shavkat Mirziyoyev rahbarligida mamlakatda amalga oshirilgan o‘zgarishlarga yuqori baho berdi.
U Shavkat Mirziyoyev O‘zbekiston rahbarligiga kelgan davrdagi vaziyat bilan bugungi holat o‘rtasida katta farq borligini ta’kidladi.
"Shavkat Miromonovich O‘zbekistonga rahbarlik qilishni boshlaganida vaziyat butunlay boshqacha edi. Buni O‘zbekiston fuqarolari ham, biz ham juda yaxshi bilamiz. Shu sababli u mamlakatni rivojlanish yo‘liga qo‘yish hamda davlatning iqtisodiy jihatlarini noldan shakllantirish uchun katta kuch bilan ishlashiga to‘g‘ri keldi", — dedi Ilhom Aliyev.
Ozarbayjon rahbari sanoat va qishloq xo‘jaligini rivojlantirish, xorijiy investitsiyalarni jalb qilish borasidagi ishlarga ham to‘xtaldi.
"Bugun biz butunlay boshqacha O‘zbekistonni ko‘rib turibmiz — jahon hamjamiyatining juda hurmatga sazovor a’zosiga aylangan O‘zbekistonni. Sanoatni rivojlantirish, qishloq xo‘jaligi, energetika, transport infratuzilmasi bilan bog‘liq masalalar juda tezkor va samarali hal etilmoqda", — dedi u.
Ilhom Aliyevning so‘zlariga ko‘ra, O‘zbekistonda amalga oshirilgan ishlar va islohotlar ikki davlat o‘rtasidagi hamkorlik loyihalari uchun ham muhim zamin yaratgan.
"Shavkat Mirziyoyev va uning jamoasi tomonidan O‘zbekiston uchun qilingan ishlar va bu islohotlar bo‘lmaganida, birorta ham hamkorlik loyihasini amalga oshirishning imkoni bo‘lmasdi", — dedi Ozarbayjon Prezidenti.
Shuningdek, u Shavkat Mirziyoyev O‘zbekiston rahbarligiga kelguniga qadar ikki mamlakat o‘rtasida birorta ham qo‘shma loyiha bo‘lmaganini ta’kidladi.
Ayni paytda tomonlar o‘zaro tovar aylanmasini 1 milliard dollarga yetkazishni maqsad qilgan. Ilhom Aliyev bu ko‘rsatkichni uzoq muddatli orzu emas, balki yaqin ikki yilda amalga oshadigan natija sifatida baholadi.
"Bugun biz 1 milliardlik tovar aylanmasi haqida gaplashyapmiz. Bu qandaydir uzoq muddatli orzu emas, yaqin ikki yilda amalga oshadigan ishdir", — dedi u.
Ozarbayjon rahbari ikki tomon iqtisodiyoti ehtiyoj sezayotgan sohalardagi investitsiya loyihalari va o‘zaro sarmoyalar ham muhokama qilinganini qayd etib, bunday hamkorlik ikki davlatning parallel ravishda rivojlanishi natijasida yuzaga kelganini qayd etdi.
