Sayt test holatida ishlamoqda!
07 Yanvar, 2025   |   7 Rajab, 1446
search icon
Avvalgi sayt
ЎЗ РУ EN AR

Toshkent shahri
Tong
06:24
Quyosh
07:49
Peshin
12:34
Asr
15:29
Shom
17:13
Xufton
18:32
Bismillah
07 Yanvar, 2025, 7 Rajab, 1446
Avvalgi sayt
#search
 YouTube

Misrliklar Ramazonni qanday o'tkazadi?

6.04.2021   1300   1 min.
Misrliklar Ramazonni qanday o'tkazadi?

Ertaga, chorshanba kuni Misr hukumati Covid-19 infektsiyasining oldini olish uchun muqaddas Ramazon oyida fuqarolar bajarishlari kerak bo'lgan xavfsizlik choralarini muhokama qiladi. Unda kambag'allar uchun xayriya iftorlari yoki uzoq vaqt davomida masjidlarda bo'lib turish kabi ba'zi tadbirlardan voz kechish masalasi kun tartibiga qo'yiladi.

Islam.ru ma'lumotlariga ko'ra avvalroq koronavirus inqirozini boshqarish bo'yicha Oliy qo'mita yig'ilishida bosh vazir Mustafo Madbuli ehtiyot choralariga kuchli talab qo'yilganini ta'kidlagan.

Jumladan, 13 apreldan yopiq xonalarda katta yig'in, maraka, to'y va boshqa ommaviy tantanalarni o'tkazish ma'n etiladi. Musulmonlar masjidlarda ijtimoiy masofani saqlash, niqob kiyish, shaxsiy joynamozlardan foydalanishi kerak.

Mamlakat Sog'liqni saqlash vazirligi surunkali kasalligi va bolalari bo'lgan odamlarning uyda namoz o'qishini so'radi.

Biroq qoidalar 2020 yilga qaraganda ancha moslashuvchan bo'ladi. Bu safar ommaviy tungi namozlar (tarovih) o'tkaziladi, kafe va restoranlar ertalab soat birgacha, do'konlar esa kechki soat 11 gacha ochiq bo'ladi.

 

O'zbekiston musulmonlari idorasi matbuot xizmati

Dunyo yangiliklari
Boshqa maqolalar

O‘tayotgan har kuningga shukr qil

6.01.2025   1094   1 min.
O‘tayotgan har kuningga shukr qil

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.

Ajoyib bir ramziy qissa bor. Bir kishi xotini bilan tovuq yeb o‘tirgan edi, eshik taqillab qoldi. Xotini borib qarasa, tilanchi ekan. Xotin tilanchiga yeb turgan ovqatidan berishni xohlagan edi, eri jerkib tashlab: «Tilanchini eshik oldidan haydab yubor», dedi. Xotin uni haydab yubordi. Keyinchalik er-xotin orasiga sovuqlik tushib, er xotinini taloq qildi. So‘ngra boshqa bir kishi kelib, sovchi qo‘ydi va o‘sha xotinga uylandi. Kunlarning birida xotin keyingi eri bilan tovuq yeb o‘tirgan edi, eshik taqillab qoldi. Xotin eshikni ochish uchun borsa, tilanchi ekan. Xotin tilanchini ko‘rgach, qiyin ahvolga tushib qoldi. Eri: «Eshikni taqillatgan kim ekan?» desa, xotin: «Avvalgi erim» dedi. Shunda keyingi eri: «Bir necha yil avvalgi eshiging tagiga kelgan tilanchi ham men edim», dedi.

Al-Jabbor sifatiga ega Alloh bandasini O‘zi iroda qilgan narsasiga yo‘llaydi. Bir banda u narsani xohlasa ham, boshqasi bu narsani xohlasa ham, Alloh xohlaganini amalga oshiradi. Shunday bo‘lgach, har bir o‘tayotgan kuningga shukr qil.

Anvar Tursunov