O'zbekiston elchisi Ulug'bek Rozuqulov Indoneziya Milliy kutubxonasi direktori Muhammad Sharif Bando bilan muzokaralar o'tkazdi. Unda ikki mamlakat milliy kutubxonalari o'rtasida hamkorlikni yo'lga qo'yish masalasi muhokama qilindi.

Muloqot chog'ida shu yil aprel' oyida kutubxonaning katta kino zalida Abu Ali ibn Sinoga bag'ishlangan "Sharqdan nur" hujjatli fil'mi bir hafta davomida Indoneziya jamoatchiligi namoyish etiladi.

Shuningdek, Indoneziya tomoni o'zbek mutaxassislari Imom al-Buxoriy, Bahouddin Naqshbandiy, Al-Horazmiy, Ahmad Al-Farg'oniy va Muhammad Al-Moturidiy hayoti va ijodiga bag'ishlangan ingliz tilida qator maxsus vebinarlar o'tkazish istagini bildirdi.

Ma'lumot uchun, Indoneziya milliy kutubxonasi 1980 yilda tashkil etilgan. Kitob fondi 23 million donaga yaqin bosma nashr va 4 milliardga yaqin elektron nashrlarga ega. Mamlakat qonuniga ko'ra, kutubxona direktori vazir maqomiga ega.

O'zbekiston musulmonlari idorasi matbuot xizmati