Misrning “Axbar al-Yaum” gazetasi yurtimiz hayotiga oid maqola chop etdi
Misrning etakchi ommaviy axborot vositalari, jumladan “Axbar al-Yaum”, “Al-Ahrom”, “Al-Habar al-Yaum”, “Sada al-Balad”, “Al-Vasila” nashrlari O'zbekistonda amalga oshirilayotgan islohotlar va o'zgarishlar bilan Misr jamoatchiligini tanishtirishda davom etmoqda, deb xabar bermoqda “Dunyo” AA.
Hususan, “Al-Ahrom” gazetasi Misrning O'zbekistondagi elchisi bilan uyushtirgan interv'yusida mamlakatlarimiz o'rtasida turistlar sonini oshirish, iqtisodiy, madaniy-gumanitar aloqalarni kengaytirish imkoniyatlariga to'xtalib o'tgan.
Misrning nufuzli “Axbar al-Yaum” gazetasi esa Imom Moturidiy ta'limotiga oid maqola chop etdi. Unda Islom dunyosida mo''tadil qarashlarni yoyish, Moturidiy ta'limotini o'rganish, sohaga oid xorijiy tashkilotlar o'rtasida samarali hamkorlik o'rnatishda O'zbekistonda tashkil etilgan Imom Moturidiy xalqaro ilmiy-tadqiqot markazi faoliyati muhim ahamiyat kasb etishi alohida ta'kidlangan.
Mazkur gazeta Imom Moturidiy stipendiyasining joriy etilishi, ushbu ta'limot bilan bog'liq qo'l yozmalarni yig'ish, bibliografiyasini tayyorlash va ularni elektron shaklda kutubxonalarda tarqatish bo'yicha ko'rilayotgan choralarga to'xtalib o'tgan.
O'zbekiston musulmonlari idorasi matbuot xizmati
"Imom Buxoriy" ordeni — yuksak ehtirom ramzi!
Kuni kecha mamlakatimiz mustaqilligining 35 yilligi munosabati bilan muhtaram Prezidentimiz tomonidan yuksak davlat mukofotlariga sazovor bo‘lgan bir guruh vatandoshlarimiz taqdirlandi.
Eng quvonchlisi shuki, tadbirda diniy-ma’rifiy sohada fidokorona xizmat qilib kelayotgan, xalqimizning ma’naviy yuksalishiga beqiyos hissa qo‘shayotgan taniqli ulamolarimiz va faxriylarimizning zahmatli mehnatlari yuksak darajada e’tirof etildi!
Xususan, Diniy idora tizimida uzoq yillardan beri samarali xizmat qilib kelayotgan ustozlardan O‘zbekiston musulmonlari idorasi raisining birinchi o‘rinbosari Homidjon domla Ishmatbekov, O‘zbekiston musulmonlari idorasi Faxriylar kengashi raisi Shayx Abdulaziz Mansur, Samarqand viloyati Payariq tumani "Imom al-Buxoriy" jome masjidi faxriy imomi Mahmudjon domla Ibodullayev, Buxoro viloyati Kogon tumani "Bahouddin Naqshband" jome masjidi imom-xatibi Abdug‘ofur domla Razzoqov "Imom Buxoriy" ordenini Davlatimiz Rahbaridan qabul qilib olishdi.
Ustozlarning ilmiy-ma’rifiy faoliyati, xalq ichida ma’rifat ulashishdagi fidoyiliklari davlatimiz tomonidan yuksak qadrlangani butun diniy-ma’rifiy sohada mehnat qilayotganlar uchun katta faxr va sharafdir.
Ushbu voqea Yangi O‘zbekistonda diniy-ma’rifiy sohaga, milliy qadriyatlarimizni avaylab-asrash hamda rivojlantirishga qaratilayotgan izchil va xayrli siyosatning amaliy ifodasidir.
Xalqimizda qadimdan ma’rifat ahlini ulug‘lash, ularning zahmatli mehnatini qadrlash ezgu an’ana sanaladi. Islom ta’limotida ham ilm egalariga alohida maqom va hurmat bilan qaraladi. Zero, Imom Termiziy bobomiz rivoyat qilgan hadisi sharifda: «Ulamolar payg‘ambarlarning merosxo‘rlaridir», deyilgan.
Ulamolarga ko‘rsatilayotgan bunday e’tiborning nechog‘li xayrli ekani quyidagi hikmatda ham o‘z ifodasini topgan. Ulug‘ zotlardan biri Tovus rahmatullohi alayh otasidan quyidagicha rivoyat qilgan: «To‘rt kishini hurmat qilish sunnatdir: olim, yoshi ulug‘ inson, podshoh va ota» (Imom Abdurazzoq rivoyati).
Mazkur yuksak mukofot milliy va diniy qadriyatlarimizni tiklash, Islom ma’rifatini keng targ‘ib etish, jamiyatda bag‘rikenglik va tinchlik-omonlikni bardavom saqlash yo‘lidagi ko‘p yillik xayrli xizmatlarning munosib e’tirofidir.
Davlatimizning bunday e’tibori diniy soha xodimlariga yanada ulkan mas’uliyat yuklaydi, ma’naviy yuksalish yo‘lidagi xayrli xizmatlar ko‘lamini yanada kengaytirishga xizmat qiladi, insha Alloh.
O‘zbekiston musulmonlari idorasi Matbuot xizmati
- «
- »