Ayollar maqomini yuksaltirishga bag'ishlangan xalqaro anjuman
Saudiya Arabistonida “Islomda ayollar: maqomi va ta'sirini kuchaytirish” mavzuida xalqaro konferentsiya bo'lib o'tmoqda.
Anjuman podshoh Salmon bin Abdulaziz homiyligida Islom hamkorlik tashkilotiga (IHT) a'zo mamlakatlar davlat rahbarlari, vazirlari va boshqa rasmiylari ishtirokida o'tkazilyapti.
Unda Saudiya Arabistoni tashqi ishlar vaziri, shahzoda Faysal bin Farxon Saudiya ayollari Podshohlikning rivojlanish va taraqqiyot yo'lida tutgan roli haqida gapirdi. Jumladan, vazir ijtimoiy va mehnat bozoridagi islohotlar natijasida so'nggi 7 yilda xotin-qizlarning mehnat resurslaridagi ishtiroki 19,3 foizdan 37 foizga, rahbarlik lavozimlarida esa ayollar ulushi 17 foizdan 39 foizga oshdi, deya ta'kidladi.
O'zbekiston musulmonlari idorasi
Matbuot xizmati
Ulug‘ ajdodimiz me’rosiga oid respublika ilmiy-amaliy anjumani o‘tkazildi (foto+)
Bugun, 30 iyun kuni Xorazm Ma’mun akademiyasida "Najmiddin Kubro ma’naviy-ma’rifiy merosi va uning zamonaviy tadqiqi" mavzusida respublika ilmiy-amaliy konferensiyasi bo‘lib o‘tdi.
Mazkur anjuman Davlatimiz rahbarining Najmiddin Kubro tavalludining 880 yilligini keng nishonlash to‘g‘risida ilgari surgan tashabbusi doirasida ulug‘ ajdodimizning ilmiy va ma’naviy merosini chuqur o‘rganish, bu merosni zamonaviy tadqiqot metodlari asosida tahlil qilish hamda uning umuminsoniy va milliy qadriyatlar tizimidagi o‘rnini belgilash maqsadida tashkil etildi.
Anjuman doirasida Najmiddin Kubroning tasavvufiy va ma’rifiy g‘oyalari, ularning zamonaviy ma’naviy-axloqiy muammolarni hal etishdagi o‘rni, allomaning hayoti va faoliyatiga oid tarixiy manbalar, asarlarining bugungi kundagi ilmiy va amaliy ahamiyati, kubroviylik ta’limotining tarixi va bugungi holati, shuningdek, ushbu ta’limotning keyingi tasavvuf maktablariga ta’siri keng muhokama etildi.
O‘zbekiston musulmonlari idorasi
Matbuot xizmati
- «
- »