Sayt test holatida ishlamoqda!
23 Iyul, 2025   |   28 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:32
Quyosh
05:10
Peshin
12:35
Asr
17:37
Shom
19:53
Xufton
21:23
Bismillah
23 Iyul, 2025, 28 Muharram, 1447
Avvalgi sayt
#search
 YouTube

Qardosh xalqlar ulamolari muborak qadamjolarni ziyorat qilishdi

14.03.2021   3817   2 min.
Qardosh xalqlar ulamolari muborak qadamjolarni ziyorat qilishdi

Habar berganimizdek, bugun, 14 mart kuni Tojikiston va Afg'oniston delegatsiyasi Samarqandda Imom Buxoriy merosiga bag'ishlangan xalqaro anjumanda qatnashish uchun yurtimizga keldi. Martabali mehmonlarni mamlakatimiz Diniy soha rahbarlari yuqori darajada kutib oldilar.

13 mart kuni yurtimizga kelgan Afg'onistonlik mehmonlar dastlab Imom Termiziy majmuasiga tashrif buyurib, u kishining maqbaralarini ziyorat qildilar. Shundan so'ng delegatsiya vakillari Termizdan Samarqand shahriga etib keldilar.

Yurtimiz Diniy soha vakillari hamroxligida Tojikiston va Afg'oniston delegatsiyasi Samarqand shahridagi diqqatga savovor joylarni, jumladan, Registon maydoni, Guri amir maqbarasi hamda Shohi Zinda majmuasini ziyorat qilishdi.

Ziyorat davomida Qur'on tilovat qilinib, xayrli duolar qilindi. Mehmonlarga muborak qadamjolar, ularni obod qilish va kelgusi avlodga bus-butun etkazish bo'yicha yurtimizda amalga oshirilayotgan keng qamrovli islohotlar haqida ma'lumot berildi.

Shundan so'ng uch qardosh xalq ulamolari “Shohi Zinda” jome masjidida peshin namozini o'qishib, jamoat bilan xayrli duolar qildilar.

Safar jarayonlari va anjuman haqidagi ma'lumotlarni saytimizda kuzatib boring.

 

O'zbekiston musulmonlari idorasi matbuot xizmati

Fotolavhalar
Boshqa maqolalar

Bunday holatda namoz qaytadan o‘qiladimi?

21.07.2025   2975   1 min.
Bunday holatda namoz qaytadan o‘qiladimi?

Savol: O‘qilgan namozimdan ko‘nglim to‘lmadi. Shu namozni qayta o‘qishim kerakmi?

Javob: Bismillahir Rohmanir Rohiym. Bu masalaning biroz tafsiloti bo‘lib, unga ko‘ra namoz quyidagi holatlarda qayta o‘qilishi lozim:
•  Namozda biror farz amal bajarilmay qolib ketgan bo‘lsa;
•  Namozda biror vojib amal qasddan bajarilmay qolib ketsa;
•  Namozda biror vojib amal unutib bajarilmasa va namoz oxirida sajdai sahv ham qilinmay tugatilgan bo‘lsa.

Agar namozda sunnat amallar tark qilingan bo‘lsa yoki namoz makruhlik bilan o‘qilgan bo‘lsa, u holda namozni qayta o‘qish vojib emas, balki mustahab  (chiroyli sanalgan) ish hisoblanadi. Ushbu holatda qaytadan o‘qimasa ham gunohkor sanalmaydi.
Savolda so‘ralgan holatga kelsak, ko‘ngil to‘lmasligi yuqorida sanab o‘tilgan farz yoki vojib amal tark qilingan holatlar sababli bo‘lsa, namoz qayta o‘qilishi kerak. Ammo haqiqatda sobit bo‘lmagan shubha-gumonlar, vasvasalar sababli ko‘ngil to‘lmayotgandek bo‘lsa, u holda namozni qayta o‘qilmaydi. Chunki ko‘p hollarda “ko‘nglim to‘lmayapti”, deb namozni qayta-qayta o‘qiyverish insonni o‘ziga bo‘lgan ishonchini yo‘qotadi va vasvasa kasaliga chalinishiga olib keladi.

Shunday ekan, namozda bajariladigan farz, vojib, sunnat amallar haqida yaxshi o‘rganish, eng asosiysi turli xayollarga chalg‘imasdan namozni e’tibor bilan ado etish lozim bo‘ladi. Vallohu a’lam.

O‘zbekiston musulmonlari idorasi
Fatvo markazi.