Malayziya Bosh vaziri Muhiddin Yasin Madinadagi Payg'ambarimiz Muhammad alayhissalomning tarjimai holi va Islom tsivilizatsiyasi xalqaro muzeyiga tashrif buyurdi. Muzey Butunjahon musulmonlar ligasi tomonidan boshqariladi va Islomning adolat, tinchlik, rahm-shafqat, bag'rikenglik va mo''tadillik haqidagi g'oyalarini taqdim etishni maqsad qilgan.

Yasin muzeyning turli bo'limlarida bo'lib, Payg'ambarimiz Muhammad alayhissalomning hayotlari tasvirlangan eksponatlarga alohida qiziqish ko'rsatdi.

Bu erga keluvchilar arab tilidan tashqari ingliz, ispan, urdu, frantsuz, turk va indonez tillarida ham ma'lumot olishi mumkin. Ko'rgazmada o'nlab rasm va interfaol displeylar mavjud. Shuningdek, bu erdagi 4DX kinoteatrda Muhammad alayhissalomning hayotlariga bag'ishlangan fil'mlar namoyish etiladi.

Islam.ru ma'lumotlariga ko'ra, ko'rgazmadagi yigirma besh pavil'ondan birida ayollarning Islomdagi o'rni, uning tarqalishida ayollarning o'rni o'ynagani haqida hikoya qilinadi

O'zbekiston musulmonlari idorasi matbuot xizmati