Hushxabar: "Urgut" markaziy jome masjidi Adliya ro'yxatidan o'tkazildi
Samarqand viloyati Adliya boshqarmasi tomonidan Urgutda barpo etilgan «Urgut» markaziy jome masjidi ro'yxatga olingan.
Yangi masjid guvohnomasini O'zbekiston musulmonlar idorasining Samarqand viloyati vakilligi rahbari, viloyat bosh imom xatibi Zayniddin Eshonqulovga viloyat Adliya boshqarmasi boshlig'i Saloxiddin Nuriyev
taqdim etgan.
Shu bilan Respublikamizdagi masjidlar soni 2085 taga, Samarqand viloyatidagi masjidlar esa 287 taga etdi.
Ma'lumot uchun, ushbu masjidni qurish bo'yicha mahalla faollari tuman imom-xatiblari bilan bilan maslahat qilgan holda tuman hokimiga, so'ng mutasaddi vazirliklarga murojaat qilishdi. Shundan so'ng Respublika tashkilotidan olingan javob xatiga asosan tuman xokimliginng 2013 yil 6 iyuldagi qarori bilan qurilish ishlari aholi hashar yuli bilan boshlab yuborildi.
Yangi masjid kiblasi mutaxasislar kuyoshning yozgi eng sungi botish va kishdagi eng sunggi botish nuktalari hisobga olinib, ushbu ikki nuqta orlig'i uch kismga bo'lib chap tomondagi bo'lak belgilandi. Shuningdek, kechasi Oltin qozik yulduziga qarab muljal olindi.
Hozirda qurilishi bitkazilgan yangi masjid maydoni bir gektardan oshiq, masjid xonaqosining hajmi 45x55 metr, ya'ni 2500 kv/mni tashkil qiladi.
Jome ikki qavatdan iborat bo'lib 8000 ga yaqin namozxonni o'z bag'riga sig'dira oladi. Honaqoh o'rtasida 34 metrli baland gumbaz qad rostlagan. Uning aylanasi 18 metrni tashkil etadi. Masjidning to'rt tomonida ikkitasi 40 metrli va yana ikkitasi 43 metrli bo'lgan to'rt minora qurilgan.
Zamonaviy tahoratxonadan bir vaqtning o'zida 100 kishi foydalanishi mumkin. Masjid xodimlari uchun 2 qavatli mamuriy bino barpo etilgan.
Alloh taolo ushbu masjidlarni qiyomatga qadar mo'min-musulmonlarga xizmat qilishini nasib qilsin, uning qurilishi va faoliyatini yo'lga qo'yishiga hissa qo'shganlardan O'zi rozi bo'lsin!
O'zbekiston musulmonlari idorasi matbuot xizmati
“Arab Tourist”: Samarqand, Buxoro va Xiva — islom sivilizatsiyasi va jahon madaniy merosining bebaho durdonalari
Saudiya Arabistonining turizm va sayohatlarga ixtisoslashgan “Arab Tourist” elektron nashrida “Markaziy Osiyoning qoq markazida joylashgan va Buyuk ipak yo‘li bilan bog‘langan mamlakat” sarlavhali tahliliy maqola e’lon qilindi, deb xabar bermoqda “Dunyo” AA.
Maqolada Buyuk ipak yo‘li tarixida o‘zbek shaharlarining tutgan o‘rni alohida e’tirof etiladi. Xususan, Samarqand, Buxoro va Xiva kabi tarixiy shaharlar asrlar davomida Sharq va G‘arb o‘rtasidagi savdo, fan va madaniyat markazlari sifatida xizmat qilgani ta’kidlanadi. Registon maydoni, Ichan-qal’a va Buxorodagi me’moriy obidalar islom sivilizatsiyasi hamda jahon madaniy merosining bebaho durdonalari sifatida tilga olinadi.
Bundan tashqari, nashr O‘zbekistonning rang-barang tabiati va geografik relefiga to‘xtalib o‘tgan. Qizilqum cho‘li, serhosil Farg‘ona vodiysi, Tyan-Shan va Pomir-Oloy tog‘ tizmalari aholi joylashuvi va qishloq xo‘jaligi rivojida muhim o‘rin tutishi qayd etiladi.
Nashr, shuningdek, Buyuk Mirzo Ulug‘bek kabi donishmandlarning astronomiya va matematika sohasidagi buyuk kashfiyotlarini alohida e’tirof etgan.
Xulosada ta’kidlanganidek, Toshkent, Samarqand, Buxoro, Namangan va Andijon kabi shaharlar bugungi kunda nafaqat ma’muriy va iqtisodiy, balki jadal rivojlanayotgan yirik madaniy-turistik markazlar sifatida dunyo sayyohlari e’tiborini o‘ziga jalb etmoqda.
O‘zbekiston musulmonlari idorasi Matbuot xizmati
