Sayt test holatida ishlamoqda!
29 Aprel, 2025   |   1 Zulqa`da, 1446
search icon
Avvalgi sayt
ЎЗ РУ EN AR

Toshkent shahri
Tong
03:55
Quyosh
05:23
Peshin
12:25
Asr
17:15
Shom
19:21
Xufton
20:44
Bismillah
29 Aprel, 2025, 1 Zulqa`da, 1446
Avvalgi sayt
#search
 YouTube

Ubaydulla Uvatov nomi G'uzordagi maktab va ko'chalarga berildi

04.03.2021   2639   2 min.
Ubaydulla Uvatov nomi G'uzordagi maktab va ko'chalarga berildi

G'uzor tumanidagi 1-umumta'lim maktabida taniqli olim, tarix fanlari doktori, professor Ubaydulla Uvatov tavalludining 81 yilligi munosabati bilan “Inson xotira bilan tirik, qadr bilan barhayot” mavzusida xotira kechasi va ma'naviy-ma'rifiy tadbir bo'lib o'tdi.

“Qashqadaryo” nashrining xabar berishicha, viloyat va tuman hokimligi vakillari, ilm-fan, madaniyat va san'at namoyandalari, sektor rahbarlari, nuroniylar, ustozning yaqinlari, shogirdlari, maktab o'qituvchi va o'quvchi yoshlari ishtirok etgan tadbirda Ubaydulla Uvatovning hayoti va ilmiy-pedagogik faoliyati, ilmiy tadqiqotlari haqida ma'lumot berildi.

Ubaydulla Uvatov 1940 yil 23 fevralda G'uzor tumani Pachkamar QFY Chuchuk ota qishlog'ida tavallud topgan. U yurtimiz allomalari ilmiy-ma'naviy me'rosini o'rganish va jamoatchilikka etkazishga qaratilgan 200 dan ortiq maqola, 50 ga yaqin kitob hamda risolalar nashr ettirgan va ko'plab shogirdlar tayyorlagan.
Olimning xizmatlari hukumatimiz tomonidan munosib qadrlanib, “Mehnat shuhrati” ordeni, “O'zbekiston Respublikasida xizmat ko'rsatgan yoshlar murabbiysi” faxriy unvoni va “Fidokorona xizmatlari uchun” ordeni bilan taqdirlangan. Ubaydulla Uvatov 2017 yildan 2020 yilgacha Imom Termiziy xalqaro ilmiy-tadqiqot markaziga rahbarlik qilib keldi.
Tadbirda olimning do'stlari, shogirdlari va yaqinlari so'zga chiqib, Ubaydulla Uvvatovning ilm yo'lidagi mashaqqatli mehnati, boy hayotiy tajribasi, qimmatli ilmiy tadqiqotlari, yoshlar kamolotiga qo'shgan ulkan hissasini e'tirof etishdi.
Tadbirda tuman hokimi Bekzod Suyunov ham so'zga chiqib, Prezident administratsiyasi topshirig'iga ko'ra olim tahsil olgan 1-umumta'lim maktabi hamda Amir Temur mahallasidagi Elhaqi va Buyuk karvon yo'li mahallasidagi Chorvadorlar ko'chalariga Ubaydulla Uvatov nomi berilganini ma'lum qildi.
Tuman hokimligi axborot xizmatidan ma'lum qilishlaricha, shu kuni 1-umumta'lim maktabining qo'shimcha 360 o'rinli o'quv binosi ham foydalanishga topshirildi.
Mazkur bino 360 o'ringa mo'ljallangan bo'lib, unda o'quv xonalari bilan birga mul'timedia va laboratoriyalar hamda kutubxona mavjud.

 

O'zbekiston musulmonlari idorasi matbuot xizmati

O'zbekiston yangiliklari
Boshqa maqolalar
Maqolalar

Diniy-ma’rifiy sohadagi islohotlarning yangi bosqichi: huquq va imkoniyatlar

25.04.2025   9936   2 min.
Diniy-ma’rifiy sohadagi islohotlarning yangi bosqichi: huquq va imkoniyatlar

Nuqtayi nazar 

Bugun yurtimizda 130 dan ortiq millat va elat hamda 16 ta konfessiya vakillari bag‘rikenglik tamoyili asosida tinch-totuv yashab kelmoqda. 2174 ta islomiy va 198 ta noislomiy diniy tashkilot faoliyat ko‘rsatapti. So‘nggi sakkiz yilda O‘zbekistonda jami 130 ta – 3 ta oliy va 1 ta o‘rta maxsus islom bilim yurti, 102 ta masjid hamda turli konfessiyaga taalluqli 24 ta noislomiy diniy tashkilot davlat ro‘yxatidan o‘tkazildi. 

Joriy yil 25 fevral kuni qabul qilingan qonun asosida tasdiqlangan O‘zbekiston Respublikasida fuqarolarning vijdon erkinligini ta’minlash va diniy sohadagi davlat siyosati konsepsiyasi bu borada amalga oshirilayotgan ishlarga huquqiy asos bo‘lib xizmat qilyapti. 

Mazkur hujjat vijdon erkinligiga bo‘lgan huquq va O‘zbekiston dunyoviy davlat ekaniga oid konstitutsiyaviy qoidalarni ro‘yobga chiqarish hamda diniy sohadagi davlat siyosatining maqsadi, vazifalari, prinsip va ustuvor yo‘nalishlarini belgilab berdi. 

O‘tgan qisqa vaqt ichida mamlakatimizda O‘zbekistondagi islom sivilizatsiyasi markazi, Imom Buxoriy, Imom Moturidiy, Imom Termiziy xalqaro ilmiy-tadqiqot markazlari, O‘zbekiston xalqaro islom akademiyasi, Samarqandda Hadis ilmi maktabi, Buxoroda Mir Arab oliy madrasasi tashkil etildi. 

2017 yilga qadar mamlakatimizda 3 ta oliy (1 ta islomiy, 2 ta noislomiy) hamda 9 ta o‘rta maxsus diniy ta’lim muassasasi faoliyat yuritgan. Bugun esa 16 ta diniy ta’lim muassasasi bor, ularning 6 tasi oliy o‘quv yurtidir. 

Mazkur sohadagi ishlarni yanada rivojlantirish maqsadida Prezidentimizning joriy yil 21 apreldagi "Fuqarolarning vijdon erkinligi huquqi kafolatlarini yanada mustahkamlash hamda diniy-ma’rifiy sohadagi islohotlarni yangi bosqichga olib chiqish chora-tadbirlari to‘g‘risida"gi farmoni nafaqat diniy-ma’rifiy soha, balki keng jamoatchilik tomonidan ham mamnuniyat bilan kutib olindi. 

Sodiq Toshboyev, 

Din ishlari bo‘yicha qo‘mita raisi 

Manba: "Yangi O‘zbekiston" gazetasi 2025 yil 25 aprel, 84-son

MAQOLA
#logo