Sayt test holatida ishlamoqda!
14 Iyul, 2025   |   19 Muharram, 1447

Toshkent shahri
Tong
03:21
Quyosh
05:02
Peshin
12:34
Asr
17:40
Shom
19:59
Xufton
21:33
Bismillah
14 Iyul, 2025, 19 Muharram, 1447

Sovuq ob-havoda texaslik musulmonlar qahramonlik ko'rsatishdi

02.03.2021   1511   2 min.
Sovuq ob-havoda texaslik musulmonlar qahramonlik ko'rsatishdi

Sovuq qish kunlarida, ko'p odamlar bino ichida qolgani ma'qul. Biroq, qattiq sovuq paytida ba'zilar uyda shunchaki qo'l qovushtirib o'tirishni o'ziga ep ko'rmaydi.

Qo'shma Shtatlardan ikki farzandning yolg'iz onasi Aliya Muzamil o'tgan hafta Texasdagi qattiq sovuq paytida uch kunu tun elektrsiz qoldi.

"Bolalarimni qo'shnilarim bilan qoldirib, u erda tarqatilayotgan issiq ovqatni olish uchun masjidga bordim", – dedi muslima ayol. – "Haddan tashqari sovuq tufayli ko'pchilik uydan chiqmaydi deb o'ylagandim".

Irving Islom markaziga borganida, u erga yordam olish ilinjida kelgan 150 nafardan ortiq odamlarning avtomobillarini ko'rgan.

O'tgan hafta qish bo'roni Texasning butun shtatiga ta'sir qilib, natijada kamida 29 kishi o'lgan va qattiq sovuqda millionlab odamlar bir necha kun davomida elektr energiyasiz qoldi.

Muzdek ob-havoda odamlarga yordam berish harakatlari Irvingning musulmonlar jamoasi bilan cheklanib qolmadi.

Ist-Plano Islom markazida (EPIC) ko'ngillilar muhtojlarga 1500 dan tushliklarni tayyorlash uchun ishlashdi.

Markaz rahbari Nadim Bashir: "O'z yaqiningni yaxshi ko'rmasang, mo'min bo'lolmaysan", - dedi.

Islam.ru ma'lumotlarga ko'ra, ehtiyojmand qochqinlarga yordam beruvchi Ma'ruf Dallas notijorat tashkiloti ham 50 000 dan ortiq suv bilan idishlar, yuzlab adyol, paypoq va 1000 ta issiq tushlik tarqatdi.

"Tashkilotimizning asosiy tamoyili - "harakat orqali iymonni mustahkamlashdir", - deydi Ma'ruf Dallas Ijrochi direktori Fuad M. Dadabxoy.

 

O'zbekiston musulmonlari idorasi matbuot xizmati

Dunyo yangiliklari
Boshqa maqolalar
Maqolalar

Maktub

14.07.2025   567   3 min.
Maktub

Bir ota uzoq shaharga safar qildi. Ayoli va uch farzandi esa vatanda qolishdi. Bolalari uni juda yaxshi ko‘rishar va hurmat qilishar edi.

Otalari ularga birinchi maktubni yubordi. Lekin ular uni o‘qish uchun ochmadilar, balki har birlari maktubni peshonalariga surtib: “Bu buyuk habibimizdandir”, dedilar. Ushbu xatning ko‘rinishiga nazar qilib, uni chiroyli qutiga solib qo‘yishdi. Bolalar boshqa paytlarda maktubning changini artish uchun olishar va yana joyiga qo‘yib qo‘yishardi. Otalari oilasiga yuborgan hamma xatlarni shunday qilishdi.

Yillar o‘tdi. Ota uyga qaytdi. Lekin ulardan birgina farzand qolgandi. Ota undan so‘radi:

– Onang qayerda?

O‘g‘il dedi:

– Ular qattiq kasal bo‘ldilar. Bizda onamni davolash uchun mablag‘ topilmadi va vafot etdilar.

Ota dedi:

– Birinchi maktubimni ochmadingizmi?! Men sizlarga katta mablag‘ yuborgan edim-ku!

O‘g‘il dedi:

– Yo‘q!

Ota yana so‘radi:

– Ukang qayerda?

O‘g‘il dedi:

– Siz uning ba’zi o‘rtoqlarini tanirdingiz. Onamning o‘limidan keyin unga nasihat qiladigan va uni to‘g‘ri yo‘lga soladigan kimsa topilmadi. U do‘stlari bilan ketdi.

Ota hayratlanib dedi:

– Nima uchun?! Yomon o‘rtoqlarini tark qilib, mening oldimga kelishini yozgan maktubimni o‘qimadingizmi?

O‘g‘il javoban:

– Yo‘q, – dedi.

Ota dedi:

– La havla va la quvvata illa billah. Opang qayerda?

O‘g‘il dedi:

– Turmushga chiqish uchun maslahat so‘ragan haligi yigit bilan nikohlandi va u hozir baxtsiz yashayapti.

Ota darg‘azab bo‘lib dedi:

– Sizlarga bu yigitning obro‘si, xulqi yomonligi va bu to‘yga noroziligim haqida yozgan xatimni o‘qimadingizmi?

O‘g‘il dedi:

– Yo‘q! Biz xatlaringizni bir chiroyli qutida saqladik. Doim uni ziynatladik, peshonamizga surtdik, lekin o‘qimadik.

 

Bu oilaning ahvoli, uning birligi qanday tarqalib ketgani, otaning maktubini o‘qimay, undan manfaat olmay, balki uni muqaddaslab, unda yozilganlarga amal qilmay, hayotlarini qiyinlashtirganliklari haqida tafakkur qildim. So‘ng stol ustidagi chiroyli qutiga solib qo‘yilgan Qur’oni Karimga nazar soldim... Sho‘rim qurisin!

Albatta, men Allohning Maktubiga anavi bolalar otalarining xatlariga muomala qilganlari kabi munosabatda bo‘lyapman. Men Mus'hafni stolim ustiga qo‘yganman-u, lekin uni o‘qimayman, undagi narsalardan foydalanmayman ham. Axir, u butun hayotimning dasturi-ku!

Robbimga istig‘for aytdim. Mus'hafni ochdim va hech qachon uni tark etmaslikka qaror qildim. 

Arab tilidan Ziyoda Mirahmatova tarjimasi
Ibratli hikoyalar