Oksford masjidi oziq-ovqat bankini ochdi
Muhtojlar sonini kamaytirish bo'yicha ish olib borgan Oksforddagi masjid yangi oziq-ovqat bankini ochdi. Bu haqda islam.ruga asoslanib islom.uz manbasi xabar berdi. Bu esa o'z navbatida muhtojlarni issiq ovqat va eng zarur narsalar bilan ta'minlashga yordam beradi.
Markaziy Oksford masjidining xabar berishicha, bank 25 fevral' payshanba kuni o'z faoliyatini boshlaydi.
«Bepul maktab taomlari tashabbusimizdan buyon boshqaruv qo'mitasi sevimli shahrimizga yordam berish uchun muntazam ravishda ish olib bormoqda», deyiladi masjidning facebook sahifasida.
Oziq-ovqat banki ehtiyojmandlarni shampun', sovun, sochiqlar, bolalar salfetkalari, tagliklar, yormalar, guruch, sariyog', konservalar, quritilgan mevalar va sharbatlar bilan ta'minlaydi.
Eslatib o'tamiz, o'tgan yilning oktyabr' oyida masjid yuzlab maktab o'quvchilarini bepul ovqat bilan ta'minlash tashabbusini ilgari surgan edi.
Bu yil masjid o'z avtoturargohini yana ochdi.
O‘zbekiston Islom sivilizatsiyasi markazi noyob Qur’oni karim nusxasini yaratish bo‘yicha jahon xattotlar tanlovini e’lon qildi
26 avgust kuni O‘zbekistondagi Islom sivilizatsiyasi markazida “Islom sivilizatsiyasi: yangi nigoh, yangi kashfiyotlar” xalqaro mediaforumning “Asrlarni birlashtiruvchi meros. Islom sivilizatsiyasining ma’naviy mazmun-mohiyati” mavzusidagi uchinchi yalpi sessiyasi bo‘lib o‘tdi, deb xabar qilmoqda “Dunyo” AA.
Sessiya doirasida Qur’oni karim merosi, qadimiy qo‘lyozmalar, islom xattotligi, hujjatli kino hamda tarixiy manbalarni o‘rganishda sun’iy intellektdan foydalanishga bag‘ishlangan xalqaro loyihalar taqdim etildi.
Xususan, “114 Qur’on: islom olami xattotligining 114 durdonasi”, “Katta Langar Qur’oni: haqiqat va afsonalar”, “Allohning 99 ismi: Uning go‘zal ismlari orqali Yaratganni anglash”, “Sun’iy intellekt – qadimiy qo‘lyozmalarni o‘qishning raqamli kaliti” loyihalari hamda “Yagona tarixiy meros sahifalari” loyihasi doirasida yaratilgan “Masjid” hujjatli filmi namoyish etildi.
Xalqaro muhokamalarda Islom hamkorlik tashkiloti, shuningdek, Jazoir, O‘mon, Pokiston, Saudiya Arabistoni, Iroq, Mali va O‘zbekistonning yetakchi ommaviy axborot vositalari vakillari ishtirok etib, islomofobiya va mavjud stereotiplarni bartaraf etishda medianing o‘rni haqida fikr almashdi.
Sessiya yakunida turli mamlakatlar va xattotlik maktablarining an’analarini birlashtiruvchi noyob Qur’oni karim nusxasini yaratish bo‘yicha Xattotlar umumjahon tanlovi e’lon qilindi.
Eslatib o‘tamiz, mazkur xalqaro mediaforumning asosiy tadbirlari O‘zbekiston Islom sivilizatsiyasi markazida o‘tkazilib, unda qariyb 50 mamlakatdan media va ekspert hamjamiyatining 300 nafarga yaqin vakili — media kompaniyalar, axborot agentliklari va telekanallar rahbarlari, jurnalistlar, prodyuserlar, olimlar hamda kreativ industriya mutaxassislari ishtirok etmoqda.
O‘zbekiston musulmonlari idorasi Matbuot xizmati
