“Ma'naviy ipak yo'li ” V xalqaro ilmiy-diniy konferentsiyasi tashkiliy qo'mitasining kengaytirilgan yig'ilishi onlayn formatda o'tkazildi. Tadbirda Rossiya Federatsiyasi Musulmonlar diniy idorasi raisi muovini Rushan Abbyasov, O'zbekiston Respublikasining Rossiya Federatsiyasidagi Favqulodda va Muxtor elchisi Botirjon Asadov, O'zbekiston turizmni rivojlantirish qo'mitasi rais muovini Ulug'bek A'zamov, O'zbekiston musulmonlari idorasi raisi o'rinbosari Ibrohim Inomov, O'zbekiston va Rossiya sayyohlik kompaniyalari vakillari ishtirok etdi.

"Ma'naviy ipak yo'li "xalqaro konferentsiyasiga tayyorgarlik masalalari bilan bir qatorda ishtirokchilar O'zbekistonda ziyorat turizmini rivojlantirish masalalarini ham ko'rib chiqishdi.

O'zbekistonning Rossiyadagi elchisi Botirjon Asadov mamlakatning ziyorat turizmini rivojlantirish va qo'llab-quvvatlashga tayyorligini ta'kidlab, bunday dedi: "Rossiya fuqarolarining O'zbekistondagi sayyohlik oqimini oshirish, O'zbekistondagi elchixonamiz biznes hamkorlar, sayyohlik agentliklari va Rossiya aholisini sayyohlar uchun yaratilgan sharoitlar haqida xabardor qilish bo'yicha dasturlarni amalga oshiradi. Bundan tashqari, O'zbekiston hukumati turizm tarmog'i va aviakompaniyalarni qo'llab-quvvatlash bo'yicha qonunchilik chora-tadbirlarinning majmuini qabul qildi".

Rushan Abbyasov ziyorat turizmi haqida to'xtaldi: "Jahon darajasidagi me'moriy obidalarni, saqlanib qolgan an'analarni, noyob hunarmandchilikni joriy etuvchi yo'nalishlar o'zaro madaniy almashinuvga xizmat qiladi, iqtisodiy aloqalarni jonlantiradi. Ma'naviy Ipak yo'li loyihasi doirasida turizm salohiyatining muhokama qilinishi pandemiyadan keyingi davrda dunyoning bosqichma-bosqich jonlanishi sharoitida, ayniqsa, dolzarbdir".

2021 yilning kuziga belgilangan “Ma'naviy ipak yo'li ” V xalqaro ilmiy-diniy anjumanining dastlabki dasturini muhokama qildi, loyihaning asosiy bosqichlarini belgilab oldi va keyingi amaliy qadamlar ro'yxatini tasdiqladi.

O'zbekiston musulmonlar idorasi raisining o'rinbosari Ibrohim Inomov: "Alohida e'tirofga loyiq ushbu xalqaro anjumanning o'tkazilish joyi dunyoga mashhur allomalar, ilm-fan ulamolari va atoqli imomlarni bergan o'zbek zamini bo'ldi", dedi.

O'zbekiston musulmonlari idorasi matbuot xizmati