Ispaniya kompaniyalari halol bozorga intilmoqda
Musulmonlarning xarid qobiliyati oshishi, Islom olami mamlakatlarida iqtisodiy o'sish kuzatilayotgani bois Birlashgan millatlar tashkiloti xalqaro savdo markazi katta biznes imkoniyatlariga ega bo'lgan yangi global bozor sifatida belgilangan tendentsiyani yuzaga keltirdi.
Sertifikatlangan halol mahsulotlar – Islom qonunchiligi tomonidan ruxsat berilgan mahsulotlari ko'plab Ispaniya kompaniyalari uchun Janubi-Sharqiy Osiyoda biznesni rivojlantirish uchun katta imkoniyatni taqdim etadi. Ispaniyada Halol institut tomonidan tasdiqlangan 500 ta kompaniya bor, ulardan faqat 12 tasi Malayziya va Indoneziyaga o'z molini eksport qiladi.
Halqaro halol instituti jamoatchilik bilan aloqalar bo'yicha direktori Barbara Ruis-Bejaranoning so'zlariga ko'ra, ushbu yo'nalish sifatli, sog'lom va barqaror mahsulot va xizmatlarning sinonimiga aylangan. Va bu agrar oziq-ovqat sohasi chegaralaridan ancha uzoqqa chiqib, turizm, moda, farmatsevtika, kosmetika, hattoki moliya kabi sohalarda keng imkoniyatlar ochadi.
Islam.ru ma'lumotlariga ko'ra, islom iqtisodiyoti bo'yicha ekspert Tomas Gerrero halol mahsulot va xizmatlarga global sarf-xarajatlar 2024 yilda 3 trillion dollarga etishi kutilayotganini eslatdi. Ispaniya oziq-ovqat yoki kosmetika kabi yuqori talabga ega bozorlarda ko'plab kompaniyalarga ega. Ammo hali o'z salohiyatini to'la namoyon qila olgani yo'q.
O'zbekiston musulmonlari idorasi matbuot xizmati
“Network News Pakistan”: 2025 yilda O‘zbekiston Markaziy Osiyo aholisi uchun eng ommabop sayohat yo‘nalishi bo‘ldi
Pokistonning “Network News Pakistan” elektron nashri “O‘zbekiston turizmi o‘sish bo‘yicha Markaziy Osiyoda birinchi o‘rinni egalladi” sarlavhali axborot maqolani e’lon qildi, deb xabar qilmoqda “Dunyo” AA.
Unda Butunjahon sayohat va turizm kengashining (World Travel & Tourism Council – WTTC) “Sayohat va turizmning 2026 yilga qadar iqtisodiy ta’sirini o‘rganish” hisobotiga ko‘ra, 2025 yilda Markaziy Osiyo dunyoning eng tez rivojlanayotgan sayyohlik mintaqasiga aylangani ta’kidlangan.
“WTTC o‘z tadqiqotlarini dunyoni 13 ta yirik mintaqaga bo‘lgan holda olib boradi. 2025 yil yakunlariga ko‘ra, Markaziy Osiyo turizm sohasini rivojlantirishning bir nechta asosiy ko‘rsatkichlari bo‘yicha dunyoda birinchi o‘rinni egalladi. Shu bilan birga, O‘zbekiston bu ko‘rsatkichlarning barchasi bo‘yicha Markaziy Osiyo mamlakatlari orasida yetakchiga aylandi”, – deyilgan manbada.
Nashrda qayd etilishicha, 2025 yilda turizmning Markaziy Osiyo yalpi ichki mahsulotiga qo‘shgan umumiy hissasi 17,7 foizga, sohaning bevosita hissasi esa 19,6 foizga oshgan. Mintaqada turistik xizmatlar eksporti (visitor exports) yil davomida 26,4 foizga o‘sib, 9,9 milliard AQSH dollarini tashkil etdi.
Mintaqadagi turistik xizmatlar eksporti umumiy hajmining deyarli yarmi O‘zbekiston hissasiga to‘g‘ri keladi. Jumladan, 2025 yilda O‘zbekistonga 4,8 milliard AQSH dollari miqdorida turistik xizmatlarni eksport qilgan. WTTC ma’lumotlariga ko‘ra, 2025 yilda O‘zbekiston Markaziy Osiyo aholisi uchun eng ommabop sayohat yo‘nalishi bo‘ldi.
“Umuman olganda, bu ko‘rsatkichlar turizmning mintaqaviy xarakterga ega ekanini anglatadi. Markaziy Osiyo aholisi ko‘pincha o‘z mintaqasi ichida sayohat qiladi”, – deyiladi maqolada.
“Network News Pakistan” WTTC prognoziga tayanib yozishicha, 2036 yilga borib turizm sohasining Markaziy Osiyo iqtisodiyotiga qo‘shadigan umumiy hissasi 29,7 milliard AQSH dollariga yetadi.
O‘zbekiston musulmonlari idorasi Matbuot xizmati
