Shu yil 18 fevral' kuni soat 10:00da Toshkent shahrining «Hyatt Regency Tashkent» mehmonxonasida «Radikalizm, ekstremizm va terrorizmga qarshi kurashishda yoshlarning o'rni" mavzusidagi xalqaro anjuman jonli va masofaviy shaklda o'tkaziladi.

Ushbu onlayn anjuman ShHT, MDH, BMTTD (UNDP), YeHHT, BMTGMJB (UNODC), GIZ va Osiyoda o'zaro ishonch choralari bo'yicha Kengash xalqaro tashkilotlari rahbarlari, milliy va xalqaro darajadagi ekspertlar, huquq-tartibot va xavfsizlikni ta'minlovchi organlar, yoshlar va xalqaro tashkilotlar vakillari ishtirok etishi ko'zda tutilgan.

Tadbirdan so'ng ishtirokchilarning maqolalari to'plam sifatida chop etilishi rejalashtirilgan.

O'zbekiston musulmonlari idorasi matbuot xizmati