Agrada Hindistonning xorijiy mamlakatlar bilan tarixiy-madaniy aloqalari, ularning bugungi holati va istiqbollariga bag'ishlangan onlayn-forum bo'lib o'tdi, deb xabar bermoqda «Dunyo» AA.

O'zbekistonning Dehlidagi elchixonasi ma'lumotiga ko'ra, ikki kun davom etgan anjumanda Germaniya, Rossiya, BAA, Eron, Tojikiston, Qirg'iziston va boshqa mamlakatlarning olim va tadqiqotchilari, diplomatik vakolatxonalari vakillari ma'ruzalari bilan ishtirok etdi.

Mamlakatimiz elchisi Dilshod Axatov onlayn-tadbirda O'zbekiston va Hindiston o'rtasidagi tarixiy-madaniy aloqalar, ularning bugungi holati va mavjud imkoniyatlar xususida so'zlab berdi.

Qatnashchilarga O'zbekiston Prezidentining BMT Bosh Assambleyasining 75-sessiyasida ilgari surilgan 2021 yilda Hiva shahrida YuNYeSKO bilan hamkorlikda «Markaziy Osiyo jahon tsivilizatsiyalari chorrahasida» xalqaro anjumanini o'tkazish tashabbusi bo'yicha batafsil ma'lumot berildi. Markaziy Osiyo mintaqasining boy ilmiy-madaniy merosini tadqiq qilishga xalqaro ilmiy-akademik doiralarning qiziqishini oshirish, qolaversa mintaqa turizm salohiyatini keng targ'ib etishda mazkur xalqaro forumning muhim ahamiyati e'tirof etildi.

O'zbekiston musulmonlari idorasi matbuot xizmati