Imom-xatiblar umummilliy loyihada faol bo'lmoqda
Bugun, 7 noyabr' kuni Samarqand viloyati bosh imom-xatibi o'rinbosari Hayrullo domla Sattarov boshchiligida bir guruh imom-xatiblar “Yashil makon” umummilliy loyihasi doirasida Paxtachi tumanidagi "G'oyib ota" va "Abdukarim bobo" jome masjidlarining hovlisiga mevali va manzarali ko'chatlar o'tqazishdi.
Mazkur tadbir Narpay tumani "Ko'k ota" jomesida ham davom etdi. Ushbu xayrli tadbirda viloyatda faoliyat yuritayotgan barcha shahar va tuman bosh imom-xatiblari va mazkur tumandagi imom-xatiblar ishtirok etdi.
O'zbekiston musulmonlari idorasi
Samarqand viloyati vakilligi
Matbuot xizmati
Yurtimiz bo‘ylab 6000 nafarga yaqin obodonlashtirish xodimlariga bayram hadyalari ulashildi
Mustaqilligimizning 35 yillik bayrami arafasida O‘zbekiston musulmonlari idorasi huzuridagi “Vaqf” xayriya jamoat fondi mahalliy hokimliklar bilan hamkorlikda yurtimiz ozodaligiga beqiyos hissa qo‘shib kelayotgan 2500 nafardan ortiq obodonlashtirish xizmati xodimlariga oziq-ovqat jamlanmalari tarqatdi.
Tadbirlardan ko‘zlangan asosiy maqsad mashaqqatli va sharafli mehnati har doim ham ko‘zga ko‘rinavermaydigan soha xodimlarining mehnatini e’tirof etish, ularning qalbiga bayram shukuhi, xonadonlariga quvonch kiritishdir.
Inson qadrini ulug‘lash va ijtimoiy himoyaga muhtoj qatlamni qo‘llab-quvvatlashga qaratilgan bu kabi xayrli ishlar shu kunlarda yanada keng quloch yozib, mamlakatimizning barcha hududlarida o‘tkazildi.
Shuningdek, homiylar tomonidan Respublikamiz bo‘ylab 3500 nafarga yaqin ana shunday fidoyi xodimlarning ko‘ngli xushnud etildi.
Bu kabi xayr-saxovatga yo‘g‘rilgan bayram tadbirlari o‘lkamizning barcha go‘shalarida davom etmoqda.
O‘zbekiston musulmonlari idorasi Matbuot xizmati
