O'zbekiston Halqaro islom akademiyasi huzuridagi Imom Moturidiy xalqaro ilmiy-tadqiqot markazi hamda Ankara universiteti Ilohiyot fakul'teti vakillari ishtirokida onlayn-muloqot o'tkazildi, deb xabar bermoqda «Dunyo» AA.
Anjuman mamlakatimizning Turkiyadagi elchixonasi ko'magida tashkil etildi.
Tadbirda buyuk mutafakkir ajdodimiz, moturidiylik ta'limoti asoschisi imom Abu Mansur Moturidiy va uning izdoshlari merosini chuqur o'rganish, ularning aqida va kalom ilmi rivojiga qo'shgan bebaho hissasini tadqiq etish bo'yicha hamkorlik istiqbollari xususida so'z yuritildi. Shuningdek, yosh avlodni ezgu umuminsoniy g'oyalar ruhida tarbiyalash, ularda ma'naviy va ma'rifiy qarashlarimizga yot bo'lgan zararli ta'sirlarga qarshi mafkuraviy immunitetni kuchaytirish masalalari muhokama qilindi.
Ishtirokchilar islom dinining insonparvarlik mohiyati, ma'rifiy-madaniy roli va rivojlanish yo'nalishlarini ilmiy asosda o'rganish va keng afkor ommaga, jumladan, xalqaro jamoatchilikka etkazish borasida hamkorlikni chuqurlashtirishga kelishib oldi.
Tadbirda ikki muassasa o'zaro hamkorligiga oid bayonnoma imzolandi.

O'zbekiston musulmonlari idorasi matbuot xizmati