Dehlining qadimiy masjidiga Buxoriy avlodlari asos solgan
Qadimiy Dehlidagi mashhur “Jome” masjidi Shohjahon tashabbusi bilan 1656 yilda qurib bitkazilgan. Inshoot qurilishida besh ming nafar ishchilar olti yil mobaynida xizmat qilishgan. Uning asl nomi “dunyo vakili bo'lgan masjid”dir. Hovlisiga yigirma besh ming namozxon sig'adi. Kiyik terisiga yozilgan Qur'oni karim nusxasi majsidning asosiy yodgorligi sanaladi.
Shohjahon tomonidan “Jome” masjidga Bosh imom etib Sayid Abdulg'ofur Shoh Buxoriy tayinlanadi. U buyuk bobokalonimiz, muhaddis ilmining sultoni Imom al-Buxoriy avlodlaridandir. Buni qarangki, “Jome” masjidi tashkil topgandan hozirgi vaqtga qadar 13 nafar imom aynan Buxoriy nisbasiga ega bo'lgan.
Bundan tashqari, Shohjahon Agra, Ajmer va Lahorda ham bir qancha masjidlar bunyod ettirgan.
O'zbekiston musulmonlari idorasi
Matbuot xizmati
Mustaqillik shukuhi — ezgulik va saxovat timsoli
Mustaqilligimizning 35 yilligi munosabati bilan yurtimizda tinchlik, mehr-oqibat, saxovat va insonparvarlik kabi yuksak qadriyatlarni keng targ‘ib etishga qaratilgan xayrli tadbirlar amalga oshirilmoqda.
Jumladan,13 avgust kuni Xorazm viloyati bosh imom-xatibi Xayrulla domla Abdullayev boshchiligida tuman bosh imom-xatiblari, otinoyilar, «Haj–2026» ziyoratidan qaytgan hoji otalar va hoji onalar hamda mahalla faollari ishtirokida Urganch shahridagi «Oxun bobo» jome masjidida sayyor yig‘ilish o‘tkazildi. Tadbirda Xorazm viloyati hokimi o‘rinbosari R.Sobitov ishtirok etdi. Tadbir doirasida «Mustaqillik shukuhi» shiori ostida Urganch shahridagi boquvchisini yo‘qotgan, yetim, nochor va kam ta’minlangan oilalardan 100 nafariga VAQF jamoat fondi viloyat bo‘limi bilan hamkorlikda moddiy yordamlar ko‘rsatildi. Bu xayrli amal orqali ehtiyojmand oilalar holidan xabar olinib, ularga moddiy ko‘mak va samimiy mehr-e’tibor ulashildi.
O‘zbekiston musulmonlari idorasi Xorazm viloyati vakilligi matbuot xizmati