Qo'shma Shtatlar bo'ylab bir necha musulmon guruhlar va Islom markazlari og'ir damlarda muhtojlarga yordam berish uchun ko'p mehnat qilishdi. Texas shtatining H'yuston shahrida etakchi musulmon notijorat tashkiloti barcha dindagi odamlarga xayr-ehson qiladi. 2005 yilda H'yustonda o'z ishini boshlagan ICNA Relief fuqarolarni oziq-ovqat, tibbiy yordam va uy-joy bilan ta'minlash bo'yicha harakatlarni olib boradi.
"Tashkilotimiz logotipiga qarasangiz, u erda "insoniyat uchun musulmonlar"deb yozilgan. Bu dinimizning asosi", - deydi H'yuston shahridagi ICNA Relief vakili Semi Buxoriy.
ICNA ishining katta qismi qochqinlarga yordam berishga qaratilgan bo'lsa-da, ammo barchasi 2020 yilda dunyoni COVID-19 pandemiyasi qamrab olganidan keyin o'zgardi. Islam.ru ma'lumotlariga ko'ra, Houston Food Bank bilan hamkorlikda barcha millat vakillariga ICNA Relief dan oziq-ovqat mahsulotlarini olib turishdi.
"Biz bir oyda (pandemiyadan oldin) 450 ga yaqin oilani oziq-ovqat bilan ta'minlayotgan edik", - deydi Buxoriy. - Iyul' va avgust oylarida bu ko'rsatkich 1200 dan 1400 nafar kishiga etdi".
ICNA – Shimoliy Amerikadagi eng yirik notijorat musulmon tashkilotlaridan biri.

O'zbekiston musulmonlari idorasi matbuot xizmati