Shu yil 6 fevral' kuni Nukus shahridagi Imom Eshon Muhammad jome masjidi katta majlislar zalida Muhammad ibn Ahmad al-Beruniy o'rta maxsus Islom ta'lim muassasasi talabalari 2020-2021 o'quv yili birinchi semestr natijalari bo'yicha tadbir o'tkazildi.

Tadbir Qur'oni karim tilovoti va xayrli duolar bilan boshlandi. Uni bilim yurtining katta o'qituvchisi J.Iskenderov kirish so'zi bilan ochib berdi. So'ng ta'lim muassasasining o'quv ishlari bo'yicha mudiri o'rinbosari S.Kudaybergenovning 2020-2021 o'quv yili birinchi semestr natijalari bo'yicha hisoboti tinglandi.

Shundan so'ng 2020-2021 o'quv yili birinchi yarim yilida barcha fanlarni “a'lo” baholarga o'zlashtirgan talabalarga bilim yurti rahbariyatining “Faxriy yorliq” va qimmat baho sovg'alari topshirildi.

Har bir ota-ona farzandi qo'lga kiritgan yutuqlar bilan faxrlanadi. Joriy o'quv yili birinchi yarim yilini “a'lo” baholarga yakunlagan talabalarning ota-onalariga bilim yurti rahbariyatining “Tashakkurnoma”lari pochta xizmatlari orqali uylariga jo'natildi.

Tadbir davomida bilim yurti yoshlari tayyorlagan “Ta'limda – ustoz va talaba hamhihatligi” mavzusidagi videorolik tadbir ishtirokchilari e'tiboriga havola etildi. Tadbir mahalliy televideniye orqali tasvirga olindi.

Salamat Kudaybegenov
Muhammad ibn Ahmad al-Beruniy
o'rta maxsus islom bilim yurti o'quv ishlari bo'yicha
mudir o'rinbosari