Prezident maktabiga ekskursiya uyushtirildi
Joriy yil 2 fevral kuni “Hidoya” o'rta maxsus islom bilim yurti 2-kurs, 42-guruh talabalari guruh rahbari Abdunosir Bobamirzayev boshchiligida Namangan shahridagi Prezident maktabiga ekskursiya uyushtirildi.
Ekskursiya davomida Prezident maktabi direktori Pirnazarov Abdurasul hamda maktabning ma'naviy-ma'rifiy ishlar bo'yicha direktor o'rinbosari Zokirov Oybeklar maktabning tashkil etilish tarixi, talabalar hayoti hamda o'quv jarayoni haqida batafsil ma'lumotlar berishdi. Talabalar matabning barcha binolari, o'quv xonalari, sport zal, o'quvchilarga mo'ljallangan suzish havzasi, oshxona, kutubxona hamda talabalar turar joylarida yaratilgan sharoitlarni ko'zdan kechirishdi.
Tanishish jarayonida talabalar, Prezident maktabiga chet el davlatlaridan jalb etilgan malakali o'qituvchilar bilan ingliz tilida suhbatlashib, bilim yurtimiz va unda yaratilgan shart-sharoitlar, o'qitiladigan fanlar haqida so'zlab berishdi.
Maktabning ayrim o'quvchilari bilan uchrashish chog'ida bilim yurti o'qiuvchisi Abdulnosir Bobamirzayev maktabda yaratilgan sharoitlar shukrornasi o'laroq o'quvchilar bilim olish yo'lida yanada tirishqoq bo'lishlari, ilm-fan rivoji va xalqimiz farovonligi uchun xizmat qiladigan, yurtimizni dunyoga tanitadigan yuksak kadrlar bo'lib etishib chiqishga harakat qilishlari yuzasidan ko'rsatmalar berib, o'qitilayotgan fanlarni yanada yaxshiroq o'rganish, kelajakda etuk allomalarimiz kabi olimlar bo'lib etishishga bor g'ayratlari bilan harakat qilish kerakligi haqida gapirib o'tdi.
Ekskursiya so'ngida o'qituvchi va talabalarga yaratib berilgan qulayliklarni qadriga etish, yurtboshimiz boshchiliklarida olib borilayotgan islohotlardan to'g'ri, unumli foydalanib, yaratilgan sharoitlarning barchasi tinchligimiz, mustaqilligimizning sharofatidan ekanligini ta'kidlab shukronalik ruhida yashashlikka chaqirdilar va esdalik uchun suratga tushdilar.
Abdulnosir BOBAMIRZAYeV,
“Hidoya” o'rta maxsus islom
bilim yurti o'qituvchisi
“Azzaman” gazetasi: Yangi O‘zbekistonda keng qamrovli islohotlar amalga oshirilmoqda
Iroqning “Azzaman” gazetasida “O‘zbekiston mustaqilligining o‘ttiz besh yilligi: Davlat barpo etishdan Uchinchi Renessans sari” nomli maqola e’lon qilindi, deb xabar bermoqda “Dunyo” AA.
Maqolada ta’kidlanishicha, O‘zbekistonning mustaqillik yillarida bosib o‘tgan taraqqiyot yo‘li, amalga oshirilgan keng ko‘lamli islohotlar hamda mamlakatning xalqaro maydondagi nufuzi tobora yuksalib bormoqda.
1991 yilda qo‘lga kiritilgan mustaqillik O‘zbekiston xalqi hayotida tarixiy burilish yasab, milliy davlatchilik asoslarini shakllantirish, iqtisodiy taraqqiyot poydevorini yaratish va ijtimoiy barqarorlikni ta’minlash jarayonini boshlab berdi.
2016 yildan boshlab Prezident Shavkat Mirziyoyev rahbarligida mamlakatda “Yangi O‘zbekiston” tamoyili asosida keng qamrovli islohotlar amalga oshirilmoqda. Ushbu jarayonda O‘zbekiston Markaziy Osiyoda izchil va muvozanatli rivojlanish yo‘lidan borayotgan davlat sifatida e’tirof etilmoqda.
Muallif O‘zbekistonda so‘nggi yillarda iqtisodiyotni liberallashtirish, investitsiyalarni jalb etish, savdo-iqtisodiy aloqalarni kengaytirish, infratuzilmani modernizatsiya qilish, raqamlashtirish va tadbirkorlik muhitini yaxshilash borasida amalga oshirilgan chora-tadbirlarga e’tibor qaratgan.
Maqolada aholini ijtimoiy himoya qilish tizimini takomillashtirish, ta’lim va sog‘liqni saqlash xizmatlari sifatini oshirish, yoshlar hamda xotin-qizlarning jamiyatdagi faolligini kuchaytirishga qaratilgan islohotlar haqida ham alohida fikr yuritilgan.
Nashrda Prezident Shavkat Mirziyoyev tomonidan ilgari surilgan “Uchinchi Renessans” g‘oyasi O‘zbekiston taraqqiyotining muhim strategik yo‘nalishlaridan biri sifatida baholangan. Unda Xorazmiy, Beruniy, Ibn Sino, Imom Buxoriy va Imom Termiziy kabi buyuk allomalar yetishib chiqqan yurt bugungi kunda ilm-fan, innovatsiya, texnologiya va inson kapitalini rivojlantirish orqali yangi uyg‘onish davrini yaratishga intilayotgani qayd etilgan.
Iroq matbuoti O‘zbekistonning islom sivilizatsiyasi tarixidagi o‘rniga ham to‘xtalib, mamlakatda boy ilmiy-ma’rifiy merosni o‘rganish va targ‘ib qilishga qaratilgan loyihalar amalga oshirilayotganini ta’kidlagan. Jumladan, Toshkent shahrida bunyod etilgan Islom sivilizatsiyasi markazi Movarounnahr allomalarining jahon tamadduniga qo‘shgan ulkan hissasini namoyish etuvchi muhim ilmiy-madaniy maskan sifatida qayd etilgan.
O‘zbekiston musulmonlari idorasi Matbuot xizmati
