Qirol Saud universiteti talabasi Renad Hussaynning ixtirosi sayyoramizda 644 million nafar eshitishda nuqsoni bo'lgan odamlarga avtomobilni boshqarishga yordam berishi mumkin, deb xabar beradi Emirateswoman sayti.
Qirol Saud universiteti (Saudiya Arabistoni) tibbiyot fakul'teti talabasi Renad Hussayn kar odamlarga avtomobilni boshqarishga yordam beruvchi tizimni ixtiro qildi. Akustik datchiklar transport vositalarining tashqarisidagi tovushlarni o'zgartiradi va mo'ljal olishga imkon bergan holda ularni avtomobil' ichidagi ekranga tasvir va rang ko'rinishida yuboradi. Ushbu yutuq uchun u 2020 yilda dunyodagi eng yaxshi ayol ixtirochi sifatida Jahon intellektual mulk tashkiloti Kubogiga sazovor bo'ldi.
Islamosfera nashrining ma'lumotga ko'ra, Renad Humsaynning yutuqlari birinchi marta yuqori baholangani yo'q. U 2019 yilda Malayziyada o'tkazilgan xalqaro ixtiro va innovatsiyalar ko'rgazmasida oltin medalni, shuningdek 2020 yilda dunyodagi eng yaxshi ixtiro uchun Koreya xalqaro Olimpiadasida oltin mukofotni qo'lga kiritdi.
JSST 2050 yilga kelib dunyo bo'yicha 900 milliondan ortiq kishi eshitish qobiliyati zaif bo'ladi, deb taxmin qilmoqda.

O'zbekiston musulmonlari idorasi matbuot xizmati