Bugun tug'ilgan kun – Islom Karimov (xotira)
O'zbekiston Respublikasi birinchi prezidenti Islom Karimov 1938 yil 30 yanvarda Samarqand shahrida tavallud topgan.
Islom Karimov O'rta Osiyo Politexnika va Toshkent Halq xo'jaligi institutlarini tugatgan. Mehnat faoliyatini 1960 yil Toshkent qishloq xo'jalik mashinasozligi zavodida boshlagan. Keyinchalik, V.P.Chkalov nomidagi Toshkent Aviatsiya ishlab chiqarish birlashmasida muhandis, etakchi muhandis-konstruktor bo'lib ishladi. 1966 yil O'zbekiston SSR Davlat plan komitetiga ishga o'tib, bosh mutaxassislikdan respublika Davlat plan komiteti raisining birinchi o'rinbosarigacha bo'lgan yo'lni bosib o'tdi.
Islom Karimov 1983 yil O'zbekiston SSR Moliya vaziri, 1986 yil O'zbekiston SSR Vazirlar Kengashi Raisining o'rinbosari, respublika Davlat plan komitetining raisi etib tayinlandi. 1986-1989 yillar mobaynida Qashqadaryo viloyat partiya qo'mitasining birinchi kotibi, 1989 yilning iyunidan boshlab O'zbekiston Kompartiyasi Markaziy Qo'mitasining birinchi kotibi lavozimlarida ishladi.
U 1990 yil 24 mart kuni O'zbekiston SSR Oliy Kengashining sessiyasida O'zbekiston SSR Prezidenti etib saylandi. 1991 yil 31 avgustda I.Karimov tarixiy voqea – O'zbekiston Respublikasining davlat mustaqilligini e'lon qildi. 1991 yil 29 dekabrda muqobillik asosida o'tkazilgan umumxalq saylovida I.Karimov O'zbekiston Respublikasi Prezidenti etib saylandi.
Islom Karimov suveren va mustaqil O'zbekistonni barpo etish, xalqparvar demokratik huquqiy davlat yaratish, fuqarolar tinchligi va milliy totuvlikni ta'minlash ishiga qo'shgan ulkan hissasi hamda bu borada matonat va jasorat ko'rsatganligi uchun "O'zbekiston Qahramoni" unvoni, "Mustaqillik" va "Amir Temur" ordenlari bilan taqdirlangan.
O'zbekiston Respublikasining birinchi prezidenti Islom Karimov 2016 yil 2 sentyabr' kuni, 78 yoshida Toshkent shahrida vafot etdi. U 2016 yil 3 sentyabrda Samarqand shahrida dafn etildi.
Halqimiz istiqlol yillarida erishilgan salmoqli yutuqlarni haqli ravishda I.Karimov nomi va faoliyati bilan bog'laydi.
Manba: https://uza.uz/
O‘zbekiston Respublikasi Mustaqilligining 35 yillik bayrami munosabati bilan diniy soha xodimlari ishtirokida stol tennisi musobaqasi o‘tkazildi
Bugun, O‘zbekiston musulmonlari idorasi tashabbusi bilan Qoraqalpog‘iston musulmonlari qoziyoti tizimida faoliyat ko‘rsatib turgan masjid imom-xatib va imom-noiblari ishtirokida O‘zbekiston Respublikasi Mustaqilligining 35 yilligi bayrami munosabati bilan sportning stol tennisi musobaqasi tashkil etildi.
Musobaqa poytaxtimizdagi Nukus olimpiya va paralimpiya sport turlariga tayyorlash markazida bo‘lib o‘tdi.
Diniy soha xodimlari o‘rtasida bo‘lib o‘tgan ushbu stol tennisi musobaqasida 1-o‘rin Taxtako‘pir tumani «Abdulkarim oxun» jome masjidi imom-xatibi I.Ametniyazov, 2-o‘rin To‘rtko‘l tumani «G‘oib ota» masjidi imom noibi R.Komiljonov, 3-o‘rin Beruniy tumani «Sulton uvos bobo» jome masjidi imom-noibi O.Mashalovlar g‘olib deb topildi.
Musobaqa yakunida Qoraqalpog‘iston Respublikasi Vazirlar Kengashi raisi o‘rinbosari A.Allaniyazov, Qoraqalpog‘iston musulmonlari qoziyoti qozisi B.Razov va Nukus «Muhammad ibn Ahmad al Beruniy» o‘rta maxsus islom bilim yurti direktori J.Abdirazzaqovlar musobaqa ishtirokchilarini g‘alabalari bilan tabriklab, kelgusi ishlarida muvaffaqiyatlar tiladi, musobaqa g‘oliblariga «Vaqf» xayriya jamoat fondi Qoraqalpog‘iston bo‘limi tomonidan esdalik sovg‘alari topshirildi.
Qoraqalpog‘iston musulmonlari qoziyoti
