Samarqand shahar bosh imom-xatibligining “Savad-ul-azam.uz” nomli diniy-ma'rifiy veb-sayti o'z faoliyatini boshladi. Unda Aqiyda, Qur'on, Hadis, Fiqh, Siyrat kabi ruknlar hamda Yangiliklar, maqolalar, Ota-onani e'zozlash va Muslimalar sahifalari o'rin olgan. Shuningdek, Samarqand vaqti bo'yicha kundalik namoz vaqtlari aks etadi.

Sayt xalqimizning diniy savodxonligini oshirish, yosh avlodning ruhiy va ma'naviy olamini boyitish, Vataniga sadoqat ruhida tarbiyalash maqsadida tashkil etildi.

Yangi saytning faoliyatiga Yurtimiz ulamolari, jumladan, Toshkent shahar bosh imom-xatibi Nuriddin domla Holiqnazarov, Samarqand shahar bosh imom-xatibi Zafar domla Mahmudovlar, Andijon viloyati Baliqchi tumanidagi “Oqqo'rg'on” masjidi imomi Rustamjon domla Hamidov, xayrli tilak va duolar qildilar.

Halqimizga ma'rifat ulashuvchi yana bir manba muborak bo'lsin!

O'zbekiston musulmonlari idorasi matbuot xizmati