O'zbekiston Respublikasining Rostov-Dondagi bosh konsuli Rustam Qo'rg'onboyev Dog'iston Respublikasi turizm vazirligi rahbari vazifasini bajaruvchi Rasul Ibragimov bilan uchrashdi.
"Dog'iston" RAA xabariga ko'ra, Bosh konsul va Ibragimov respublikalar o'rtasida turizmni rivojlantirish bo'yicha hamkorlik imkoniyatlarini muhokama qilgan.
Vazir vazifasini bajaruvchi Dog'iston va O'zbekiston ayniqsa ziyorat turizmi sohasida kuchli sayyohlik salohiyatiga ega ekanini ta'kidladi. "O'zbekiston o'zining xos, me'moriy va sayyohlik joylari bilan butun dunyoga mashhur. Ziyorat turizmi maqsadida respublikamizdagi juda ko'plab aholi O'zbekistonga tashrif buyurdi. Bu sohani har ikki yo'nalishda ham rivojlantirishimiz kerak deb o'ylayman", - deydi Rasul Ibragimov.
Qo'rg'onboyev bu tashabbusni qo'llab-quvvatladi va fevral' oyi oxirida Dog'istonda O'zbekistonning diniy va sayyohlik salohiyatini taqdim etish uchun maydoncha tashkil etishni taklif qildi. Dog'istonliklarda qiziqish bo'lsa, kech bahor – yoz oylarida sayyohlarning birinchi oqimi uchun charter qatnovlari tashkil etilishi mumkin.
Ibragimovning aytishicha, vazirlik tashabbusni amalga oshirish uchun barcha imkoniyatlarni ishga soladi. Taklifni turizm sohasidagi o'zaro hamkorlik to'g'risidagi bitim bilan mustahkamlash to'g'risida qaror qabul qilindi.

O'zbekiston musulmonlari idorasi matbuot xizmati