Michigan shtati Ist-Lansing shahridagi mahalliy masjid COVID-19 pandemiyasi ta'siridan aziyat chekkan jamoatdagi muhtoj kishilarni to'ydirishga yordam berish uchun oziq-ovqatlar bilan yuzlab yashiklarni etkazib berdi. Sharqiy Lansing Islom markazi sut, pishloq, meva va sabzavotlar bilan to'ldirilgan 1 200 qutilarni tarqatdi. Mashinasi borlar qutilarni o'zlari olib ketishdi, Islom markazi esa mashinasi yo'qlarga oziq-ovqatlarni o'zi etkazib berdi. "Bu mahsulotlar odamlarga boshqa ehtiyojlar uchun pulni tejashga yordam beradi", - deydi ko'ngillilardan Bataul Bahlul.
Islam.ru ma'lumotlariga ko'ra, shu oy boshida Penny Appeal USA va N'yu-York universiteti Islom markazi (ICNYU) moliyaviy qiyinchiliklarda yordam berish uchun COVID-19 grantlar dasturining ikkinchi bosqichini boshladi.
Launchgood kampaniyasi ma'lumotlariga ko'ra, may oyidan buyon qariyb 8 million amerikalik qashshoqlik chizig'i ortida bo'lib qolgan. 65 milliondan ortiq amerikaliklar ham ishsizlik bo'yicha ariza topshirdilar, chunki oilalar daromadning yo'qolishi, oziq-ovqat xavfsizligi va tibbiy xizmatdan foydalanish imkonining yo'qligiga duch kelmoqda.

O'zbekiston musulmonlari idorasi matbuot xizmati