Shotlandiyalik ayol o'zi qanday qilib Islomni qabul qilgani va jamiyatning noto'g'ri munosabatini o'zida his qilganligi haqida gapirib berdi.
Don ismli shotlandiyalik ayol nasroniy oilasida tug'ilgan va bolaligida Glazgo shahridagi yakshanba maktabiga qatnab, Injilni o'rganib chiqqan. Otasi vafotidan so'ng qiz o'zining ma'naviy aqidalari haqida o'ylab qoldi.
"Universitetda o'qish yillarimda men Glazgo shahridagi ikki pokistonlik aka-uka tomonidan boshqariladigan bir hind restoranida qo'shimcha ishga joylashib oldim. Men suhbat chog'ida avval eshitmagan Islom haqida ilk bor gap ochdim", - deya eslaydi Don.
Don aka-ukalardan Islom haqida ko'p narsalarni so'rab-surishtirib oldi, din haqidagi kitoblarni sotib oldi va Islom uning dunyoqarashini to'la aks ettirishini anglab etdi.
26 yoshida qiz musulmon bo'ldi, deya xabar bermoqda IslamNews Daily Recordga tayanib. Hozir u 38 yoshda, u buxgalter bo'lib ishlaydi va ikki farzandini tarbiyalab voyaga etkazmoqda.
"Islomni qabul qilganimdan keyin juda xursand bo'ldim. Ramazon keldi, men ilk bor ro'za tutib, Hayit bayramini nishonladim".

O'zbekiston musulmonlari idorasi matbuot xizmati