Britaniyalik musulmonlar tozalik uchun faol kurashmoqda
Lankashirdagi musulmon yoshlar (Buyuk Britaniya) islom hamjamiyati odamlarni o'z shahrini axlatdan tozalashga chaqirdi.
Kompaniya vakillaridan biri Omar Zaman: “Avtoturargoh atrofi va shahar markazi bo'ylab chiqindilarni olib tashlash uchun har xil chora-tadbirlar ko'rilgan. Hatto bizga masjidga kelgan bolalar ham qo'shildi. Yosh avlod poklikning Islomdagi ahamiyatini qancha erta tushunsa, ular uchun shuncha yaxshi bo'ladi”, deydi.
Islam.ru ma'lumotiga ko'ra, Lankashir musulmonlar jamoasi 30 yildan ortiq vaqt mobaynida ketma-ket shu kabi tadbirlarni muntazam o'tkazib kelmoqda. Koronavirus pandemiyasi davrida ham markaz axlatdan shaharni tozalash tadbirlarini uyushtirishda davom etmoqda.
O'zbekiston musulmonlari idorasi matbuot xizmati
Akademiya rektori «Do‘stlik», Islom sivilizatsiyasi markazi direktori «Fidokorona xizmatlari uchun», akademiya professori «Imom Buxoriy» ordenlari va «Ziyo» media markazi rahbari «Shuhrat» medali bilan taqdirlandilar
O‘zbekiston Respublikasi Prezidentining farmoniga muvofiq, O‘zbekiston Respublikasi davlat mustaqilligining o‘ttiz besh yilligi munosabati bilan turli sohalar vakillari faxriy unvonlar, ordenlar va medallar bilan mukofotlandilar.
Xususan, O‘zbekiston Respublikasi Prezidentining diniy-ma’rifiy masalalar bo‘yicha maslahatchisi, O‘zbekiston xalqaro islomshunoslik akademiyasi rektori Kamilov Muzaffar Muratovich "Do‘stlik" ordeni bilan, O‘zbekistondagi Islom sivilizatsiyasi markazi direktori Abduxalikov Firdavs Fridunovich «Fidokorona xizmatlari uchun» ordeni bilan, mazkur akademiyaning "Arab tili va adabiyoti al-Azhar" kafedrasi professori Islomov Zohidjon Mahmudovich «Imom Buxoriy» ordeni bilan va akademiya huzuridagi "Ziyo" media markazi direktori Muxtarov Abduxamid Abduaxatovich "Shuhrat" medali bilan taqdirlandilar.
O‘zbekiston musulmonlari idorasi jamoasi doimiy hamkor tashkilotlarimiz rahbarlari va ustozlarni mazkur yuksak mukofotlar bilan muborakbod etib, Alloh taolodan mamlakatimiz taraqqiyoti, xalqimiz farovonligi va muborak dinimiz rivoji yo‘lidagi faoliyatlarida yangidan-yangi muvaffaqiyatlar tilaymiz.
O‘zbekiston musulmonlari idorasi Matbuot xizmati
