Shu yil 25-30 dekabr' kunlari mamlakatimizdagi 2079 ta masjidda xayriya tadbirlari o'tkaziladi va xufton namozidan so'ng Kalomulloh xatm qilinadi.

Ushbu kunlarda Alloh Kalomi 12 480 marotaba xatm qilinadi. Shuningdek, iqtidorli imomlar Imom Buxoriyning “Sahih”ini ham xatm qilishadi.

Hayriya tadbirlarini o'tkazishdan aholining kam ta'minlangan, yordamga muhtoj qatlamini moddiy qo'llab-quvvatlash maqsad qilingan. Shu munosabat bilan qurbonlik marosimlari tashkil etiladi.

O'zbekiston musulmonlari idorasi huzuridagi “Vaqf” xayriya jamoat fondi har bir mahallada muhtoj oilalarga oziq-ovqat mahsulotlari to'plami tarqatadi. Bundan tashqari, joylardagi “Mehribonlik”, “Saxovat” va “Muruvvat” uylarida osh dasturxonlari yozilib, maishiy texnika vositalari tarqatiladi.

O'zbekiston musulmonlari idorasi matbuot xizmati