Bugun, 24 dekabr' kuni Qashqadaryo viloyati vakilligi binosida tuman va shahar bosh otinoyilari ishtirokida 2020 yilda qilingan ishlar, 2021 yilda bajarilishi lozim bo'lgan vazifalarga bag'ishlangan tadbir bo'lib o'tdi. Unda O'zbekiston musulmonlari idorasi raisi o'rinbosari Ibrohimjon Inomov, Qashqadaryo viloyati bosh imom-xatibining xotin-qizlar masalalari bo'yicha yordamchisi Sh.Karamova ishtirok etdi.

Yil yakuniga bag'ishlangan yig'ilishda so'zga chiqqan O'zbekiston musulmonlari idorasi raisi o'rinbosari Ibrohimjon domla Inomov otinoyilarning vazifalari, jumladan, xotin-qizlar o'rtasida turli bid'at-xurofot va salbiy holatlarning oldini olishda otinoyilar o'rni masalasi yuzasidan tavsiyalar berdi.

Shuningdek, mamlakatimizdagi islohotlarga otinoyilar xalqimizning diniy-ma'rifiy savodxonligini oshirish orqali faol ishtirok etishi lozimligi, buning uchun ular diniy va dunyoviy ilmlarni egallashi, dunyodagi yangiliklardan xabardor bo'lishi, tariximizni yaxshi bilishi, fidokor, xalqparvar bo'lish talab etilishini ta'kidladi.

O'zbekiston musulmonlari idorasi matbuot xizmati