Joriy yil 23 dekabr' kuni Hadis ilmi maktabi tomonidan amalga oshirilayotgan ishlar to'g'risida xalqimizga yanada kengroq axborot berish maqsadida Maktabda jurnalist va blogerlar uchun Press-tur tashkil qilindi.

Press-tur doirasida jurnalistlar dastlab Imom Buxoriy maqbarasini ziyorat qilishdi. Shu erda Muhaddislar sultoni haqqiga Qur'on tilovot qilindi. Shundan so'ng, ishtirokchilar Imom Buxoriy xalqaro ilmiy-tadqiqot markazi faoliyati bilan yaqindan tanishdilar.

Markaz direktori Sh.Ziyodov muassasaning tashkil etilishi, maqsad va vazifalari, xalqaro hamkorlik va ilmiy-tadqiqot yo'nalishida olib borilayotgan ishlar, erishilgan yutuqlar xususida so'zlab berdi.

Shundan so'ng jurnalist Hadis ilmi maktabiga tashrif buyurdi. Maktab rektori O.Yusupov maktabning tashkil etilish maqsadlari va kutilayotgan natijalar, maktabda talabalarning o'qishga qabul qilish tizimi, unda o'qitiladigan fanlar va o'quv adabiyotlari tarkibi, mutaxassislik bo'yicha ishlab chiqilgan o'quv rejasini dunyoning etakchi ta'lim muassasalarining nufuzli ulamolar tomonidan e'tirof etilganligi va o'qitishda qo'llaniladigan zamonaviy metodlar haqida so'zlab berdi.

Tadbir doirasida jurnalistlar Maktab o'qituvchi va talabalar uchun qulay shart-sharoitlar sifatida bunyod etilgan yopiq suv havzasi, sport zali, Axborot-resurs markazi, kafedralar, talabalar turar joyi bilan yaqindan tanishdilar.

Ommaviy axborot vasitalari xodimlariga Maktabda yaratilgangan sharoitlarni tanishtirish davomida Axborot-resurs markazi uchun xorijdan olib kelingan o'quv adabiyotlari, o'quv jarayonlarini elektron axborot texnologiyalari orqali tashkil etish, boshqarish va monitoringini yuritish maqsadida ishlab chiqilgan elektron portal haqida hamda kafedra o'qituvchilar tomonida o'quv-uslubiy, ilmiy tadqiqot yo'nalishlarida amalga oshirilayotgan ishlar to'g'risida ma'lumot berildi.

Shuningdek, jurnalistlar dars mashg'ulotlari bilan yaqindan tanishish maqsadida Misr Arab Respublikasining Al-Azhar universitetidan jalb etilgan Hadis ilmi fanlari doktori, professor Mahmud Abdulloh Abdurrahmonning 2 kursdagi Hadis va sharh fanidan bo'lib o'tayotgan dars jarayoniga tashrif buyurdilar. Dars mashg'uloti davomida jurnalistlarga Maktabda fanlarni o'qitishda qo'llanilayotgan o'quv metodlari, o'quv jarayonlarining o'ziga xos xususiyatlari va talabalar tomonidan qo'lga kiritilgan yutuqlar haqida so'zlab beriladi.

Jurnalistlar va har ikki ilm maskani jamoasi ishtirokida o'tkazilgan ochiq muloqot davomida ishtirokchilarni qiziqtirgan savollarga mutaxassislar tomonidan javoblar qaytarildi.

Hadis ilmi maktabi

Matbuot xizmati