Imom Termiziy xalqaro ilmiy-tadqiqot markazida yil yakuniga bag'ishlangan sarhisob yig'ilishi bo'lib o'tdi. Unda O'zbekiston musulmonlari idorasi raisi o'rinbosari Ibrohimjon Inomov, Masjidlar bo'limini boshlig'i Muhammadnazar Qayumov ishtirok etdi.

Sarhisob yig'ilishida viloyat bosh imom-xatibi Aliakbar Sayfiddinov imom-xatib va noiblar, otinoyilarning joriy 2020 yilda qilgan ishlari bo'yicha hisobot taqdim qildi, kelgusi yilgi rejalarni ma'lum qildi.

So'ng Ibrohimjon domla Inomov yig'ilish qatnashchilariga diniy soha rahbarlarining salomini etkazib, o'tayotgan yilda viloyatda amalga oshirilgan ishlarni tahlil qilib, yutuqlarni e'tirof etdi, kamchilikni tanqid qildi. Ushbu yig'ilish yakuni bo'yicha kelgusi rejalarni yanada puxtalab olishni qayd etdi.

Tadbir davomida shahar va tuman imom-xatiblari ham qilingan ishlar, yo'l qo'yilgan kamchiliklar, ularni kelgusida bartaraf etish bo'yicha chiqish qildi. Shuningdek, dinimizning yurtimiz tinchligi va aholi turmush tarzini yaxshilashdagi o'rni haqida aytib o'tildi.

***

Qashqadaryo viloyatida o'tkazilgan yig'ilishda ham joriy yilda amalga oshirilgan ishlar sarhisob qilindi.

Yig'ilishda dastlab viloyati bosh imom xatibi Rahmatillo Usmonov so'zga chiqib, 2020 yilda hududda diniy-ma'rifiy sohada amalga oshirilgan ishlar haqida ma'ruza qildi.

Anjumanda O'zbekiston musulmonlari idorasi raisi o'rinbosari Ibrohimjon Inomov, Masjidlar bo'limi mudiri Muhammadnazar Qayumovlar ham qatnashib, imomlarga juda ta'sirchan ma'ruzalar qildilar.

Shuningdek, joylardagi bosh imom-xatiblarning hisoboti tinglandi va galdagi vazifalar belgilab olindi.

O'zbekiston musulmonlari idorasi matbuot xizmati