Bugun, 24 dekabr' kuni «Madaniy merosni saqlash - turizmni rivojlantirish yo'lida muhim omil» xalqaro ilmiy-amaliy simpoziumi bo'lib o'tadi.
Uzbektourism.uz xabariga ko'ra, tadbir O'zbekiston Respublikasi Turizmni rivojlantirish davlat qo'mitasi, Madaniyat vazirligi, Samarqand viloyati hokimligi, Turizmni rivojlantirish instituti, Samarqand Davlat arxitektura-qurilish instituti va «Ipak yo'li» turizm xalqaro universiteti hamkorligida tashkil etilmoqda. Simpoziumda taniqli olimlar, san'at arboblari, arxeologlar va xalqaro universitetlar professorlari, Pol'sha, Misr, Italiya, Gretsiya va O'zbekistonning madaniyat, arxitektura va dizayn sohasidagi ekspertlari ishtirok etadi.
Tadbirda quyidagi mavzular muhokama qilinadi:
Zamonaviy arxitekturani rivojlantirish tendentsiyalari,
O'zbekiston madaniy merosini asrab-avaylash;
Islom madaniyatining Samarqand arxitekturasiga qo'shgan hissasi;
O'zbek xalqining boy badiiy merosi, jahon san'ati tarixidagi o'rni, rivojlanish bosqichlari hamda xalqaro ijodiy va ilmiy aloqalarni mustahkamlashga xizmat qiluvchi zamonaviy tendentsiyalar, shuningdek, dunyodagi madaniy merosni asrab-avaylash yo'lidagi intellektual turizm va innovatsion tendentsiyalar.

O'zbekiston musulmonlari idorasi matbuot xizmati